Ayaw nang magpatawag ng “His excellency” ni Pangulong Rodrigo Duterte.

Bunsod nito, naglabas ng memorandum ang Office of the Executive Secretary kung saan inaatasan ang mga cabinet member at lahat ng pinuno ng mga ahensya ng gobyerno i-address na lamang ang pangulo bilang “President Rodrigo Roa Duterte” sa lahat ng official communication, events at iba pa.

Ayon kay Presidential Spokesperson Ernesto Abella, ang naturang direktiba ay alinsunod pa rin sa pagiging simple at maka-masa ng pangulo.

Maging ang mga miyembro rin ng gabinete ay tatawagin lang din bilang “secretary” sa lahat ng official communications.

Gayunman, discretion na aniya ng mga tanggapan ng pamahalaan kung gagamitin pa rin nila ang katagang “Honorable” sa kanilang department heads sa kanilang internal communications.

Tags: cabinet members, Pagtawag kay Pangulong Rodrigo Duterte bilang "His excellency" at "Honorable"