Muling sinagot ng Malakanyang ang isyu ng matagal na paga-appoint ni Pangulong Aquino sa mga bakanteng posisyon sa pamahalaan.
Gayundin sa isyu ng posibilidad na lumalabag na ang Pangulo sa itinatakda ng konstitusyon na 90-day period upang makapag-appoint sa Sandiganbayan Justice.
Hanggang sa kasalukuyan ay bakante pa rin ang posisyong iniwan dating Justice Gregory Ong noong September 2014.
Ayon kay Deputy Presidential Spokesperson Abigail Valte, pinipilit nila na mapunan ang mga bakanteng posisyon sa loob ng mandatory 90-day period.
At sa kasalukuyan ay hindi pa naman expired ang 90-day, at base sa record ng Office of the President,February 24, 2015 natanggap nila ang shortlist sa mga posibleng pumalit kay Ong.
Matatandaang naging isyu ang paglagpas sa 90-day period ni Pangulong Aquino bago naitalaga si Associate Justice Theresa Dolores Estoestas kapalit sa iniwang posisyon ni Sandiganbayan Preciding Justice Amparo Cabotaje-Tang.
Sa ipinadalang sulat ni Chief Justice Maria Lourdes Sereno sa Malacanan noong June 19, 2014.
February 28, 2014 nang opisyal na na-itransmit ng JBC sa Office of the President ang shortlist para sa listahan ng mga inirerekomendang papalit sa nabakanteng posisyon ni Tang, ngunit pagkalipas ng halos apat na buwan o noong June 20, 2014 lamang nalagdaan ang appointment ni Estoestas.
Naging isyu dito ang ginawang pagbabalik ng Malakanyang sa shortlist sa JBC upang muli itong i-review, na ni-reject naman ni CJ Sereno.
Ayon sa Chief Justice, sa oras na naisumite ang shortlist sa Malakanyang, ginawa na ng JBC ang kaniyang Constitutional Duty.
Pagdidepensa noon ng Malakanyang, ibinalik ang shortlist dahil naging kwestyon ang isa sa mga nominee ,dahil ito ay rekomendado ni Senator Juan Ponce Enrile na kasama sa pork case sa Sandiganbayan. (Nel Maribojoc/ UNTV News)
Tags: Associate Justice Theresa Dolores Estoestas, Chief Justice Maria Lourdes Sereno, Deputy Presidential Spokesperson Abigail Valte, Sandiganbayan, Senator Juan Ponce Enrile
Nakangiti at bakas ang kasiyahan sa mukha ni dating Senador Jinggoy Estrada ilang minuto matapos ibaba ang hatol sa kaniyang matalik na kaibigan na si dating Senador Bong Revilla Jr.
Speechless daw siya sa pagkakataong ito matapos ilabas ang unang desisyon kaugnay ng pork barrel scam. Payo niya sa kaibigan na maglaan ng ‘quality time’ sa pamilya.
Isa si Estrada sa mga idinawit sa ten billion peso pork barrel scam. Subalit pansamantala itong nakalaya matapos payagan ng korte na magpiyansa ng 1.33 milyong piso.
Bukod kay Estrada, pinayagan din ng Sandiganbayan na makapagpiyansa ang kapwa akusado na si dating Senate President Juan Ponce Enrile.
Ayon sa isang legal expert at dean mula sa San Beda College of Law na si Ranhilio Aquino, kahit parehong plunder ang kaso nina Revilla, Estrada at Enrile kaugnay ng pork barrel scam, hindi ito nangangahulugan na ang desisyon sa kaso ni Bong ay siya ring magiging desisyon sa kaso ng dalawang dating mambabatas.
Bukod dito, ipinaliwanag ni Dean Aquino na may mga pagkakataon na bagaman ‘not guilty’ ang sintensya ay pinagbabayad pa rin ng korte ang dating akusado sa civil liability nito, tulad ng kaso ni Bong na ipinasasauli ang P124 milyon.
Sa ngayon ay nililitis pa rin ang kasong pandarambong ni Jinggoy sa Sandiganbayan. Umaasa naman siyang ma-aacquit siya sa naturang kaso.
( Mai Bermudez / UNTV Correspondent )
Tags: Bong Revilla, Jinggoy Estrada, Sandiganbayan
May utos na ang Sandiganbayan na arestuhin si dating first lady at ngayo’y Ilocos Norte Congresswoman Imelda Marcos matapos mahatulang guilty sa mga kasong katiwalian.
Batay sa kautusan ng Sandiganbayan 5th Division noong Biyernes, pina-iisyuhan ng warrant of arrest si Imelda dahil hindi sumipot sa pagbasa ng kanyang sentensiya.
Kinumpiska na rin ng Sandiganbayan ang inilagak nitong piyansa at pinapagpaliwanag sa loob ng tatlumpung araw.
Ipinagpaliban ng Sandiganbayan ang arraignment o pagbasa ng sakdal kay dating Pangulong Benigno Aquino III kaugnay sa Mamasapano incident.
Ito’y matapos maglabas ng temporary restraining order noong February 9 si Chief Justice Maria Lourdes Sereno na chairman ng First Division ng Supreme Court.
Ang inilabas na TRO ay bilang tugon sa apela ng Volunteer’s Against Crime and Corruption sa desisyon ng Ombudsman na kasuhan lamang si Aquino ng graft at usurpation of authority sa halip na reckless imprudence resulting to homicide.
Bukod dito, inatasan din ng SC ang Ombudsman na huwag munang ituloy ang kasong isinampa laban kina Aquino, dating PNP Chief Alan Purisima at dating PNP-SAF Director Getulio Napeñas.
Suportado rin ni Solicitor General Jose Calida ang petisyon ng VACC at sinabing dapat makasuhan ng criminal negligence si Aquino dahil sa pagkamatay ng 44 na tauhan ng PNP-SAF sa Mamasapano incident.
( Rey Pelayo / UNTV Correspondent )
Tags: Aquino, Mamasapano incident, Sandiganbayan
