Pagsugpo sa riding-in-tandem criminals, muling binigyang-diin ni PNP Chief Ronald Dela Rosa

by Radyo La Verdad | November 9, 2017 (Thursday) | 7341

Pinangunahan ni PNP Chief Police Director General Ronald “Bato” Dela Rosa ang 116th Police Service Anniversary sa Zamboanga City kaninang umaga.

Binigyang pagkilala ang ilang natatanging police individuals, police units, non-uniformed personnel at iba pang special awards sa mga kawani ng Police Regional Office 9.

Sa kanyang talumpati, mahigpit ang bilin ni PNP Chief Dela Rosa sa mga pulis hinggil sa kanilang bagong misyon,ang pagsugpo sa riding in tandem criminals.

Samantala, tumanggi nang magbigay ng komentaryo si Dela Rosa hinggil sa anti-drug operations ng pamahalaan dahil nasa poder na ito ng PDEA.

Masaya namang ibinalita ni Chief Bato na sa susunod na taon ay tatanggap na ang mga pulis ng dobleng sahod bukod pa ito sa mga magagandang kagamitan tulad ng sasakyan na ibibigay sa PNP.

Patuloy rin ang isasagawang internal cleansing sa hanay  ng PNP upang maibalik ang tiwala ng publiko sa pambansang pulisya.

 

( Dante Amento / UNTV Correspondent )

 

Tags: , ,