METRO MANILA – Magpapatuloy ang pagsisimula ng face-to-face classes sa August 22 maging sa mga napektuhan ng magnitude 7 na lindol sa Northern Luzon nitong July 27.
Ito ay matapos ang isinagawang pagsusuri ng Department of Education (DepEd) sa kapasidad ng mga paaralang tinamaan ng lindol sa muling pagbubukas ng klase.
Ayon kay DepEd Spokesperson Michael Poa, ang pagbubukas ng mga klase ay para sa August 22 lamang dahil 451 classroom ang naapektuhan ng lindol sa Luzon at magsisimula naman ang full in-person classes sa November 2.
Ipinahayag ni Vice President and Education Secretary Sara Duterte, nangangailangan ang DepEd ng P1.4 -B halaga para sa recovery and reconstruction fund ng paaralan.
Dagdag naman ni Poa, na hindi pa pinal ang halaga at plano ng ahensya na magdagdag sa hinihinging pondo mula sa Department of Budget and Management (DBM).
Ikinukonsidera rin ng DepEd na magtayo ng “temporary learning spaces” sa mga matinding napinsala ng lindol sa Abra at sa mga apektadong lugar at maglalalaan ng P4-B halaga ng Quick Response Fund para sa mabilisang recovery at reconstruction tuwing magkakaroon ng kalamidad.
(Ritz Barredo | La Verdad Correspondent)
Tags: DepEd, face-to-face classes
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
