Lubos na ikinagalak ni Senador Sonny Angara ang pagpapatibay ni Pangulong Aquino sa Tax Incentives Management and Transparency Act (TIMTA) na naglalayong iladlad sa publiko ang tax incentives na ipinagkakaloob ng gobyerno sa mga rehistradong negosyo sa bansa.
Sa ilalim ng RA 10708, inaatasan ang lahat ng negosyong sakop ng investment promotion agencies na mag-file ng kompleto at taunang tax incentives report na siya namang isusumite sa Bureau of Internal Revenue, Bureau of Customs at Department of Finance (DOF).
“Pinasasalamatan ko rin ang ating mga kasamahan sa Kamara lalo na si Cong. Miro Quimbo at Cong. Leni Robredo na sumuporta sa ating panukala at lalo na si Pangulong Aquino na nagpatibay sa batas na ito. Matapos ito, susunod naman nating itutulak ang priority bill ng administrasyon — ang Customs Modernization and Tariff Act. Umaasa tayo na kapalit ng pagsuporta natin sa mga panukalang ito ay ang pagpapatibay sa ating isinusulong na tax reform bill,” dagdag pa ni Angara.
Upang lubusang ma-monitor ang tax incentive, ang DOF ay kinakailangangn mag-mantine ng single database kung saan ito ay isusumite sa DBM.
Upang matiyak naman na walang anomalya sa mga datos na ito, ang lahat ng impormasyong isinumite sa DBM ay ilalahad sa taunang Budget Expenditures and Sources of Financing na kikilalanin bilang Tax Incentives Information section.
Binigyang-diin pa ni Angara na hindi magiging sagabal o hadlang sa kasalukuyang fiscal incentives ang TIMTA sapagkat ang layunin lamang naman nito ay matiyak na walang anomalya sa pagkakaloob ng insentibo sa buwis sa mga negosyante.
Alinmang business entity na mabibigong sumunod sa nilalaman ng batas na ito ay papatwan ng multang P100,000 sa unang pagkakamali, P500,000 sa ikalawang pagkakataon at kanselasyon o pagbawi sa rehistrasyon nito sa ikatlong pagkakamali.
(Meryll Lopez/UNTV Radio Reporter)
Tags: Pangulong Aquino, Senator Angara, Tax Incentives Management and Transparency
Suportado ng ilang senador ang utos ni Pangulong Rodrigo Duterte sa Department of the Interior and Local Government (DILG) na i-audit ang trabaho ng mga alkalde kaugnay ng kampanya ng administrasyon na mapababa ang kriminalidad at paglaban sa iligal na droga.
Ayon kay Senate Local Government Committee Chairman Sonny Angara, isinusulong nila ngayon ang panukala na dagdagan ng kapangyarihan at pondo ang local government units upang masuportahan ang kampanya na ito ng pamahalaan.
11 panukala upang amiyendahan ang LGU code ang nakahain ngayon sa Senado. Kabilang na dito ang panukalang pagtataas sa pondong ibinibigay sa mga LGU, kung saan isasama na sa computation ng Internal Revenue Allotment (IRA) ang value added tax (VAT) na ipinapataw sa mga imported goods na kinokolekta ng Bureau of Customs (BOC).
Bukod pa rito, isinusulong naman nina Senators Koko Pimentel at Ralph Recto na itaas ang IRA ng mga LGU sa 50 percent mula sa 40 percent share.
Ayon kay Senator Angara, batay sa kanilang mga konsultasyon ay maliit lamang ang pondong naibibibigay sa mga lokal na pamahalaan. Kapos para maipatupad aniya ang mga programa ng kanilang nasasakupan.
Sa kanilang datos, 40 porsyento sa 41, 902 na mga barangay ang nakatatanggap ng IRA na 1 milyong piso pababa. Sa kabila nito, nagbabala naman si Senator Antonio Trillanes IV sa pagpapalakas ng kampanya ng administrasyon kontra droga sa mga barangay, partikular na dito ang pagbibigay ng armas sa mga barangay officials o tanod.
( Nel Maribojoc / UNTV Correspondent )
Tags: DILG, iligal na droga, Senator Angara
Bulto bultong mga dokumento ang bitbit ng grupong citizens crime sa Office of the Ombudsman. Nakapaloob dito ang mga ebidensya ng grupo laban kay dating Pangulong Benigno Aquino III.
Sinampahan ng reklamong plunder, malversation at graft and corruption ng citizens crime si Aquino dahil sa anila’y maanomalyang pagbili at paggamit ng Dengvaxia vaccine. Ito na ang ikatlong reklamong isinampa laban kay Aquino kaugnay ng Dengvaxia controversy.
Kasamang inireklamo ng grupo sina dating Executive Secretary Paquito Ochoa, dating Budget Secretary Butch Abad, dating Health Secretary Janette Garin at 15 iba pang mga kasalukuyan at dating opisyal ng Department of Health.
Ayon kay Diego Magpantay, ang presidente ng grupo, malinaw sa isinagawang imbestigasyon ng Senado na hindi dumaan sa tamang proseso ang pagbili ng Dengvaxia at nasayang lang ang pera ng pamalahaan dahil dito.
Anila, sa 3.5 bilyong piso na budget para sa proyekto, 500 milyong piso dito ang unaccounted.
Ayon naman kay Atty. Abigail Valte, legal counsel at tagapagsalita ni Aquino, ang panibagong reklamong ito ay hindi talaga para mapanagot ang sinoman kundi nais lamang umano ng mga complainant na magkaroon ng pwesto sa gobyerno.
Pero nilinaw ni Valte na sa handa ang dating pangulo na harapin ang lahat ng mga reklamong laban sa kanya.
( Grace Casin / UNTV Correspondent )
Simple lamang ang magiging programa para sa transisyon ng administration sa June 30.
Ayon kay Presidential Communications Secretary Sonny Coloma, sa araw ng inagurasyon bibigyan ng departure honors si Pangulong Benigno Aquino The Third at sasakay pa rin siya sa presidential vehicle pauwi sa kaniyang tahanan sa Time Street, Quezon City.
Ngunit bago ang pagalis ni Pangulong Aquino sa Malakanyang ay gagampanan muna niya ang kaniyang huling tungkulin.
Sa kanyang pagbaba sa tungkulin ay wala ng gagawing farewell statement si Pangulong Aquino.
Sa ngayon wala pang deklarasyon ang Malakanyang kung gagawing holiday ang June 30, ang araw ng panunumpa ng ika-16 na pangulo ng bansa.
Sa huling press briefing rin ni Coloma, ayon sa kaniya malaki rin ang naging papel ng media sa anim na taon ng Administrasyong Aquino sa paghahatid ng impormasyon sa publiko at sa pagbubuo ng polisiya ng pamahalaan.
Dagdag ni Coloma, naging malaking hamon sa kanila ang mga isyu tulad ng 2010 Luneta hostage taking incident, ang usapin sa Disbursement Acceleration Program o DAP at ang 2015 Mamasapano incident.
Kaya naman naniniwala ang malakanyang na dapat ipagpatuloy ang kalayaan ng pamamahayag.
(Nel Maribojoc / UNTV Correspondent)
Tags: huling tungkuling gagampanan, June 30, Pangulong Aquino
