Pinuri ng Malacanang ang ipinakitang galing at pagkakapanalo ng grupong El Gamma Penumbra ng Tanauan, Batangas matapos na tanghaling kampeon sa first Season ng Asia’s Got Talent na idinaos sa Singapore.

Sinabi ni Presidential Communications Secretary Herminio Coloma, sinasagisag umano ng naturang grupo ang angking talino at husay ng isang pilipino na sa maraming pagkakataon ay napatunayan na sa ibat ibang larangan.

Naguwi ng $100,000 US ang Grupo at binigyan din ng pagkakataon na mag perform sa Marina Bay Sands sa Singapore.
Humanga din ang Malacanang sa ipinakitang galing nina Gerphil Flores , Gwyneth Dorado at Junior New System na napili ding Finalists.

Kabilang sa mga naging hurado ay ang sikat na composer at musician na si David Foster, Melanie Chisholm ng dating Spice Girls, Vaness Wu ng F4 at ang kilalang mangaawit mula sa Indonesia na si Anggun.(Jerico Albano/UNTV Radio)

Tags: Asia's Got Talent, David Foster, El Gamma Penumbra, grand winner