Tiniyak ni Senator Panfilo Lacson na hindi niya kukunsitihin ang kaniyang anak na si Pampi sakaling may ginagawa nga itong ilegal na gawain gaya ng pinaparatang ni dating Customs Commissioner Nicanor Faeldon.

Kaya’t walang katotohanan ang mga paratang ng dating BOC chief bagamat nasa importation business nga ang kaniyang anak. Kinumpirma rin ng senador na nagpadala siya ng text message kay Faeldon matapos ang privilege speech kahapon.

Dagdag ng senador, hindi rin siya maaaring mag-dummy o magkaroon ng kaugnayan sa naturang alegasyon na ilegal na gawain.

(Nel Maribojoc / UNTV Correspondent)

Tags: Faeldon, Sen. Lacson, smuggling activities