
Pumalo na sa P 52.12 ang halaga ng piso kontra sa US Dollars kahapon. Simula pa noong kalagitnaan ng Pebrero ay bumagsak na sa mahigit limampung piso ang palitan ng piso sa dolyar.
Ito na ang naitalang pinakamahinang estado ng piso sa nakalipas na labing isang taon ayon sa Bangko Sentral ng Pilipinas. Kung saan noong 2006 ay umabot ng P 52.16 ang exchange rate.
Ayon sa isang senior economist na si Carlo Asuncion, ang paggasta ng pamahalaan para sa Build Build Build Program ang isa sa maaaring dahilan ng pagtaas nito, ngunit wala naman aniyang dapat ikabahala dahil hindi naman ito magtatagal.
Ang total deployment ban naman sa bansang Kuwait ay bahagya lamang ang epekto sa ekonomiya dahil ayon sa Philippine Statistics Authority o PSA, 2.9% lamang ng total remittances ang nakukuha sa naturang bansa.
Pumalo sa $3 bilyong ang halaga ng kabuuan ng personal remittances ng mga OFW noong December 2017 na nagpapakita ng pagtaas ng halos 8 porsyento kung ikukumpara noong December 2016.
Sa isang text message ay sinabi naman ni Assistant Secretary Paola Alvarez na hindi indikasyon ng mas mahinang ekonomiya ang peso depreciation.
Mas makikinabang din daw ang mga OFWs at importers sa bahagyang paggalaw ng antas nito.
( Mai Bermudez / UNTV Correspondent )
Tags: Economist, piso kontra dolyar, PSA
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Bahagyang nadagdagan na naman ang bilang ng mga Pilipinong walang trabaho noong Abril.
Batay sa datos ng Philippine Statistics Authority (PSA), umabot ito sa 4%.
Ito ay katumbas ng 2.4 milyong indibidwal na walang trabaho.
Mas mataas ito kumpara sa 3.9 % o 2 milyong indibidwal lamang na walang trabaho noong Marso.
Samantala, tumaas rin ang underemployment rate noong Abril na nasa 14.6% o 7.04 milyong Pilipino mula sa 12.9% noong isang taon.
Tags: PSA, Unemployed
METRO MANILA – Mula sa nakaraang 1.80-M na bilang ng mga Pilipinong walang trabaho noong February 2024, bahagyang tumaas sa nasa 2-M ang unemployment sa bansa para sa buwan ng mMrso ngayong taon.
Base sa latest report ng Philippine Statistics Authority (PSA), naitala sa 3.9% ang unemployment rate sa bansa para sa March 2024, na bahagyang mataas kumpara sa 3.5% na record noong Pebrero.
Gayunman mas mababa pa rin ito kung ihahambing sa 4.7% na unemployment rate sa kaparehong panahon noong nakaraang taon.
Paliwanag ni National Statistician PSA Undersecretary Dennis Mapa ilan sa mga pangunahing dahilan ng pagtaas ng bilang ng mga walang trabaho ay bunsod ng epekto ng El niño o matinding init ng panahon.
Bukod sa El niño, sinasabing marami rin ang nawalan ng trabaho dahil sa epekto ng African Swine Fever (ASF), kung saan maraming hog raisers ang nalugi.
Maging sa industriya ng construction, may nakita ring pagbaba sa unemployment ang PSA, kung saan nasa 214,000 ang mga nawalan ng trabaho. Kabilang na rito ang construction workers at electrical installers.
Samantala, bumaba naman sa 5.39-M ang bilang ng underemployment o yung mga naghahanap ng karagdagang oras o ekstrang trabaho.
Habang naitala naman sa 49.15-M ang bilang ng mga Pilipinong may trabaho para sa March 2024.
Nangako naman ang National Economic Development Authority (NEDA) na patuloy ang Marcos administration sa pagbubukas ng mga oportunidad upang makalikha ng mas maraming trabaho para sa mga Pilipino.
Tags: PSA, unemployment