Magkakaroon ng sampung sentimong dagdag sa singil sa kuryente ang mga customer ng MERALCO ngayong Disyembre.

Paliwanag ng MERALCO, bahagyang tumaas ang bentahan ng kuryente sa merkado dahil sa pagbagsak ng halaga ng piso kontra dolyar.

Para sa mga kumokonsumo ng 200kw kada buwan, bente pesos ang inaasahang madadagdag sa inyong monthly electric bill;

30 pesos naman sa mga may 300kw consumption, 40 pesos sa 400kw at 50 pesos ang dagdag sa mga umaabot ng 500kw kada buwan ang konsumo.

Ngayong taon ay nagkaroon ng pitong beses na reduction sa singil sa kuryente habang nagkaroon naman ng limang beses na pagtaas.

Kumpara noong December 2015, mas mababa pa rin ang halaga ng dagdag sa singil ngayong taon.

Nagpaalala na rin ang MERALCO sa lahat na magtipid sa paggamit ng kuryente.

Huwag kalimutang patayin ang decorative lights lalo na sa gabi at iwasan rin ang octopus connection na maaaring pagmulan ng sunog.

Napansin naman ng MERALCO na mas naging mababa ang konsumo sa kuryente kapag dumadating ang buwan ng Disyembre.

(Mon Jocson / UNTV Correspondent)

Tags: dahilan ng pagtaas ng singil sa kuryente ng MERALCO ngayong buwan, Paghina ng piso kontra dolyar