Umaapela ang lokal na pamahalaan ng Surigao City sa Philippine Ports Authority o PPA at sa mga shipping line na iprayoridad ang pagdadala ng tulong sa mga lugar na naapektuhan ng magnitude 6.7 na lindol sa Surigao del Norte.

Ito ay upang hindi na maulit ang nangyari nang manalasa ang Bagyong Yolanda na marami ang nasayang na relief goods.

Isa sa mga dahilan nito ay ang mahal na transportation fee sa mga barko.

Ayon sa Surigao City Social Welfare Office, mas makabubuti kung gagawing libre na lamang ang bayad sa barko ng mga humanitarian supplies para sa mga biktima ng kalamidad.

Tags: mga relief goods, mga shipping line, PPA