Ikinababahala ngayon ng Department of Health Region (DOH) V ang pagdagdag ng mga bilang ng mga batang nagpapakamatay.

Ayon kay Dr. Marie Angelli Morico, psychiatrict consultant ng Bicol Regional Training and Teaching Hospital, batay sa pag-aaral ng DOH, mula 2012 hanggang 2016 ay umaabot na sa 2,413 ang naiuulat sa kanila na suicide cases sa bansa.

2,000 ay pawang mga lalaki habang 413 sa mga babae kung saan 237 ang kabilang sa teen suicide o yung kabataang may edad 10 hanggang 14 na taong gulang na nagpapakamatay.

Ang katorse anyos na taga Camarines Sur na itatago sa pangalan Kathleen, umamin na maka-ilang beses na umano niyang tinangkang maglalas ng pulso dahil sa depression.

Madalas niya umanong maramdamdaman ang kalungkutang kapag naiisip niya ang pagkawala ng itinuring nanay na nagpalaki sa kanya.

Paliwanag ni Dr. Morico, labis na kalungkutan ang isa mga pangunahing sanhi ng depression ng mga katulad ni Kathleen.

Paalala ni Dr. Morico, makatutulong kung magiging mapagbantay at sensitibo sa mga pinagdadaanan ng mga kasama sa bahay lalo na ng mga kabataan.

Samantala, maari namang mabasa ang mga payo ng Bibliya sa mga nakararanas ng depression sa blog ni Bro. Eli Soriano na Controversy Extraordinary.

Ilan dito ay ang “The Secret in Fighting Depression“ at “Stop, suicide is never a solution”.

Bisitahin lamang ang http://www.controversyextraordinary.com.

( Allan Manansala / UNTV Correspondent )

Tags: DOH, http://www.controversyextraordinary.com, teen suicide