METRO MANILA – Nasa P8.5-B ang panukalang pondo ng Department Of Trourism (DOT) para sa 2021 na mas mababa ng P93M kumpasa sa budget ng kagawaran ngayong taon.
Ayon kay DOT Sec. Bernadette Romulo-Puyat, malaking bahagi nito para suportahan ang lokal na turismo.
Lumabas sa isang pag-aaral na posibleng umabot sa 78% ang mababawas sa kontribusyon ng turismo sa ekonomiya ng bansa pagdating ng Disyembre dahil sa epekto ng COVID-19.
Base sa survey ng DOT, 77% ng mga turista ay gustong maglakbay kahit wala pang bakuna kontra COVID-19.
Nakasaad sa 2020 Philippine travel survey report na nangunguna sa travel activities ang pagpunta sa beach, road trip at staycation.
Plano ng DOT na umpisahan ang pagbubukas ng turismo sa Region 1 at Baguio.
Ayon kay Secretary Puyat, kapag nagbukas na ang turismo sa Baguio City ay mag-uumpisa na silang tumanggap ng 200 turista kada araw subalit kaakibat nito ang mahigpit na pagpapatupad ng health protocols.
“Marami na nag bukas slowly, awa ng Dios walang nagka covid.” ani DOT Sec. Bernadette Romulo-Puyat.
Palalakasin naman ang online trasaction para maging contact-less na ang booking sa mga hotel at iba pang pupuntahan ng mga turista.
Maglalagay din ng mga RT-PCR test units sa mga pangunahing tourist destination.
(Rey Pelayo | UNTV News)
Tags: DOT, Tourist Destination
METRO MANILA – Tinapos na ng Department of Tourism (DOT) ang kontrata nito sa DDB Philippines, ang advertising agency na gumawa ng “Love the Philippines” tourism campaign video, na naging kontrobesiyal, matapos gumamit ng stock footage ng ibang mga bansa.
Sa isang pahayag sinabi ng kagawaran, na bagaman humingi na ng public apology ang DDB at inako ang buong responsibilidad sa pangyayari, itutuloy pa rin ng ahensya ang termination proceedings sa kanilang kontrata sa nasabing agency.
Posibleng gumawa rin sila ng iba pang mga hakbang sakaling magdulot ng masamang epekto sa turismo ng bansa ang isyu.
Nauna nang humingi ng paumanhin ang DDB Philippines matapos nitong aminin na may stock videos sa bagong Love the Philippines campaign video ng DOT na inilunsad lamang noong nakaraang Linggo.
Tags: DDB PHilippines, DOT
METRO MANILA – Humingi ng paumanhin ang advertising agency na DDB Philippines sa Department of Tourism at sa mga Pilipino sa ginawa nilang “Love the Philippines” campaign video para sa kagawaran.
Sa isang pahayag inamin ng ad agency na gumamit sila ng stock footage ng ibang bansa sa paggawa ng naturang video.
Bagaman standard practice anila ito sa paggawa ng anila’y ‘mood videos’, pag-amin ng DDB Philippines, hindi tama ang pag-gamit ng video ng ibang bansa para sa pagpo-promote ng turismo ng Pilipinas.
Iginiit din ng ahensiya na walang public funds na nagamit sa paggawa ng naturang video.
Ayon naman sa DOT nagsasagawa na sila ng masusing imbestigasyon sa isyu.
Giit ng DOT, ilang beses nilang kinumpirma sa DDB ang originality at ownership ng lahat ng mga ginamit na video materials sa audio visual presentaion.
Kinumpirma nitong walang public funds na ginamit sa paggawa ng avp, gayunman papanagutin pa rin ng ahensya ang ad company.
Tags: AVP, DDB PHilippines, DOT
METRO MANILA – Inihayag ni Pangulong Ferdinand Marcos Junior na kabilang sa kampanya ngayon ng Department of Tourism (DOT) ang pagpo-promote sa regional products at pagtatayo ng mga imprastraktura para sa mas maayos at mabilis na pagbibiyahe ng mga turista.
Sa isang panayam, sinabi ni Tourism Secretary Christina Frasco na para maging mas maganda ang travel experience ng mga bakasyunista o turista, kailangang i-rehabilitate ang mga paliparan ng bansa.
Nakikipag-ugnayan na aniya sila sa Department of Transportation (DOTr) upang makapagbigay ng rekomendasyon kung papaano isasaayos ang interior at operasyon ng airport.
Ang DOTr aniya ang pangunahing may hurisdiksyon sa mga airport at magbibigay lamang ang tourism department ng suhestiyon kung papaano pa mapagaganda ang pasilidad.
