Nakahanda nang ipadala ng Department of Health (DOH) sa dalawang kapulungan ng Kongreso ang sulat na humihiling na magamit ang P 1.161-billion refund ng Sanofi Pasteur sa mga hindi nagamit na Dengvaxia upang maipambili ng dengue kits.
Nguni’t nilinaw ni Health Sec. Francisco Duque na ipinauubaya na nila sa Bids and Awards Committee ng Department of Budget and Management (DBM) ang procurement ng dengue kits upang maging transparent at maiwasan ang anomang isyu ng korupsyon.
Samantala, kahapon ay ininpeksyon ng DOH ang mga ospital sa Quezon City upang tiyakin na hindi naniningigil ang mga ito sa mga Dengvaxia vaccinees
Kabilang sa kanilang pinuntahan ang Quirino Memorial Medical Center, East Ave. Medical Center at ang Philippine Children’s Medical Center.
Tiningan din nito ang kalagayan ng vacinees at kung may sapat din na pasilidad ang ospital sa pag-asiste sa mga pasyente.
Payo ng kalihim sa mga ospital, dapat ay may malaking signage ang mga ito upang maipakita ang proseso ng pagbibigay ng medical assistance sa mga vaccinee.
Dapat din aniyang may nakapaskil na “no balance billing” sa mga ospital upang masiguro sa mga magulang na wala silang babayarang anoman.
May kautusan din ang DOH na dapat suriing maayos ang mga Dengvaxia vaccinee upang makita kung may kaugnayan sa pagkakabakuna ang nararamdaman nilang sakit o kung may pre-existing condition na ang mga ito.
Nagbabala si Sec. Duque sa mga ospital at doktor na maaari silang masampahan ng reklamong negligence, civil at administrative case kapag mapatutunayang sila ay naniningil sa mga vaccinees
( Aiko Miguel / UNTV Correspondent )
Tags: DBM, Dengue kits, Dengvaxia, DOH
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
