Pinabulaan ng Department of Social Welfare and Development (DSWD) ang napapabalitang kulang sa pondo ang ahensiya para mga apektado ng Boracay rehabilitation.
Ito’y matapos makatanggap ng ulat ang DSWD na kumakalat ang isyu ng umano’y pansamantalang pagpapatigil nila sa pamimigay ng pamasahe sa mga umuuwing manggagawa.
Ayon sa DSWD, lumipat lamang sila ng operation center dahil hindi kayang i-accommodate ng una nilang venue sa dami ng mga humihingi ng tulong.
Mula sa unang venue sa Boracay Tropics sa Station 2 ay inilipat ito sa Faith Village sa Station 3.
Sapat umano ang pondo para sa lahat ng mga workers at residents. Sa 524 milyon na budget ng DSWD para sa mga apektado ng rehabilitasyon ng Boracay Island.
P77 million ang mapupunta sa cash for work kung saan makakatanggap ng P323.50 kada araw ang bawat manggagawa. P280 million naman ang para sa sustainable livelihood program.
Bukod dito, may 1.7 billion din na regular fund ang Aklan ngayong taon para sa mga existing program gaya ng Pantawid Pamilyang Pilipino Program (4P’s), Social Pension for Senior Citizen, Supplementary Feeding Program at Livelihood Projects.
Lahat naman ng mga uuwing mga manggagawa ay ire-refer ng DSWD sa kani-kanilang regional offices upang makakuhal ng mga basic services maliban sa cash for work.
Tuloy-tuloy din anila ang pagbibigay ng DWSD ng disaster assistance family access card upang mabigyan ng karampatang tulong ng iba’t-ibang ahensiya ng pamahalaan ang mga apektadong pamilya.
Ito ang opisyal na basehan upang malaman kung anu-anong assistance ang kanilang natanggap.
( Lalaine Moreno / UNTV Correspondent )
Tags: Boracay, cash assistance, DSWD
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
