Tinawag na truth campaign at hindi pamemersonal ang pagsagot ng Malacañang sa mga batikos ni Vice President Jejomar Binay sa administrasyon.

Ito ang reaksiyon ng Palasyo matapos sabihin ng kampo ni Binay na patuloy ang “offensive remarks” ang ibinabato ng administrasyon laban sa kaniya.

Sinabi ni Presidential Spokesperson Edwin Lacierda na ang mga isinasagot nila sa pagbatikos ng ikalawang pangulo ay mga totoong bagay na hindi aniya kayang gawin ng kampo ni Binay.

Ani Lacierda, patuloy ang pagsagot ng administrasyon sa umanoy mga kasinungalingan ng kampo ni Binay laban kay Pangulong Aquino.(Jerico Albano/UNTV Radio)