Ipinagpaliban ng Makati Regional Trial Court ang promulgation o pagbasa ng hatol sa dalawang Canadian Drug Traffickers na sina James Clayton Riach at Ali Memar Mortazavi Sharazi.
Sa inilabas na kautusan ni acting Presiding Judge Selma Palacio Alaras ng RTC Branch 63, muling itinakda ang promulgation sa January 19 ng susunod na taon.
Ayon kay Judge Alaras, kailangan muna niyang mapag-aralan ang kaso dahil bagong-talaga pa lamang siya sa pwesto.
Nadakip ng mga operatiba ng National Bureau of Investigation ang dalawang Canadian national sa isang condominium sa Makati noong January 2014 at nasamsam sa kanila ang mahigit 100-million pesos na halaga ng cocaine, shabu at ecstasy.
