Pagbabakuna sa mga edad 12-17 sa buong bansa, maaari nang simulan sa November 3

by Radyo La Verdad | October 28, 2021 (Thursday) | 443

METRO MANILA – Kinumpirma ng Department of Health (DOH) nitong Miyerkules (October 27) na magsisimula sa November 3 ang paglulunsad ng pagbabakuna sa mga menor de edad na 12 hanggang 17 sa labas ng NCR

Ayon kay Health Undersecretary Maria Rosario Vergeire ang Moderna at Pfizer na bakuna lang ang nabigyan ng Emergency Use Authorization (EUA) na gamitin para sa mga menor de edad.

“Ang mga karagdagang detalye at alituntunin tungkol sa pagpapalawak ng pagbabakuna sa mga bata ilalabas kapag ito ay naisa final na.” ani DOH Spokesperson Undersecretary Maria Rosario Vergeire

Nitong October 26 umabot sa 18,666 na menor de edad na may mga comorbidities ang nabigyan ng 1st dose ng life-saving shots sa paunang bahagi ng pediatric vaccination sa National Capital Region (NCR)

Hinihikayat din ng DOH ang mga nasa wastong edad kabilang ang mga Priority Groups A2 (Senior Citizens) at A3 (persons with comorbidities na mag pabakuna upang makamit ang “cocoon effect” na magpoprotekta sa mga bata sa bahay kontra COVID-19.

(Jeth Bandin | La Verdad Correspondent)