Mas humina pa ang tropical storm Chedeng habang papalapit ng eastern coast ng Isabela-Aurora area
Kaninang 10:00 ng gabi, namataan ang sentro ng bagyo sa layong 220km timog-silangan ng Casiguran, Aurora.
May taglay itong lakas ng hangin na hanggang 95kph malapit sa gitna at pagbugso ng hanggang 120kph.
Gumagalaw ito sa direksyong kanluran hilagang-kanluran sa bilis na 20kph.
Tinatayang maglalabas ng mula katamtaman hanggang mabigat na buhos na ulan sa loob ng 120km radius ng bagyo.
Inaasahan itong maglandfall sa Isabela-Aurora area bukas ng umaga, Abril 5 at lalabas ito ng kalupaan sa Ilocos Sur Linggo ng hapon at tuluyan itong lalabas ng Philippine Area of Responsibility Lunes ng umaga, Abril 6.
Nagpaalala pa rin ang PAGASA sa mga residenteng nasa lugar na may storm signal warning na magingat sa banta ng flashflood at landslide habang pinaalalahan din ang mga mangingisda na huwag munang pumalaot sa northern seaboard ng Luzon at eastern seaboard ng Bicol region.
Signal #2 – Isabela, Aurora, Quirino, Nueva Vizcaya, Benguet, La Union, Mt. Province, Ilocos Sur, Abra, Kalinga, Ilocos Norte at Ifugao.
Signal #1 Catanduanes, Camarines Norte, Polillo Island, Nueva Ecija, Pangasinan, Cagayan and Apayao
Tags: Chedeng, flashflood, landslide, PAGASA, PAGASA-DOST
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
