Inaprubahan na kahapon ng National Economic and Development Authority (NEDA) ang paglabas ng pondo na nagkakahalaga ng P63.618 billion para sa pagtatayo ng mga proyektong pang-imprastruktura sa ilang istratehikong lugar sa bansa.
Ayon kay Presidential Communication Secretary Herminio Coloma Jr., P6.9 billion ang mapupunta sa Road Improvement and Institutional Development Project (RIIDP) na ipatutupad ng Department of Public Works and Highways kasama na rito ang Phase II ng National Roads Improvement and Management Program (NRIMP) na nagkakahalaga naman ng P28.943 billion na ipatutupad din ng DPWH.
Kabilang sa mga proyektong nasa ilalim ng RIIDP ang muling pagtatayo ng Macasoy Bridge sa kahabaan ng Dipolog-Oroquieta Road sa Zamboanga del Norte na nasira ng bagyong Yolanda; habang sakop naman ng NRIMP ang rehabilitasyon ng mga lugar na lubhang sinira ng bagyong Yolanda na ang pondo ay nagkakahalaga ng $60 million na manggagaling naman sa $232 million World Bank loan para sa mga lokal na pamahalaan.
Kasama rin sa popondohan ng pamahalaan ang Agno River Irrigation System Extension Project ng Natioanl irrigation Administration (NIA) na nagkakahalaga ng P2.63 billion;ang Balog-Balog Multipurpose Project Phase II ng Office of the Presidential Assistant for Food Security and Agricultural Modernization sa ilalim din ng pangangasiwa ng NIA na nagkakahalaga naman ng P13.37 billion, at ang Light Rail Transit 2 West Extension Project ng Department of Transportation and Communications na nagkakahalaga ng P10.118 billion.
Tags: DPWH, Herminio Coloma Jr., infrastructure, NEDA
METRO MANILA – Inihayag ng isang opisyal ng National Economic and Development Authority (NEDA) ang plano ng pamahalaan na magbigay ng targeted subsidy para sa agricultural sector ng bansa.
Ayon kay NEDA Undersecretary Rosemarie Edillon, ang nasabing subsidiya ay maaaring targeted subsidy sa mga farmer partikular na sa kanilang production, para sa kanilang ginagamit na fuel, fertilizer at mechanization.
Bukod sa mga magsasaka, sinabi rin ng opisyal na iniisip din ng pamahalaan na magbigay ng tulong sa mga mamimili na nasa lower income classes sa pamamagitan ng food stamps mula sa Department of Social Welfare and Development (DSWD).
METRO MANILA – Bumaba ang bilang ng mga Pilipinong walang trabaho sa bansa, base sa latest report ng Philippine Statistics Authority (PSA).
Sa datos ng PSA, bumaba sa 1.6 million ang mga Pilipinong walang trabaho noong December 2023.
Mas kakaunti ito kumpara sa 1.83 million na unemployment noong Nobyembre nang nakaraang taon.
Dahil dito bumagsak sa 3.1% ang unemployment rate noong December 2023, na mas mababa kumpara sa 4.3% na naitala sa kaparehong panahon noong 2022.
Welcome naman para sa National Economic Development Authority (NEDA) ang pagbaba ng unemployment sa bansa, na anila’y indikasyon lamang ng patuloy na masiglang paglago ng ekonomiya ng bansa.
Tags: NEDA, unemployment
METRO MANILA – Bumagal sa 4.1% ang inflation rate o ang bilis ng pagtaas ng presyo ng mga bilihin at serbisyo sa bansa noong Nobyembre.
Ayon sa Philippine Statistics Authority (PSA), kahit na mataas ang presyo ng bigas, iniuugnay ang pagbagal ng inflation rate sa pagbaba ng presyo ng food at non alcoholic beverages, tulad na lamang ng gulay.
Dagdag pa ng PSA, ang pagbaba rin ng halaga ng produktong petrolyo ay nag-ambag rin kaya bumagal ang inflation.
Pagtitiyak ni National Economic and Development Authority (NEDA) Director General at Socioeconomic Planning Secretary Arsenio Balisacan, patuloy na imo-monitor ng pamahalaan ang bilis ng antas ng pagtaas ng presyo ng mga bilihin gayundin ang halaga ng mga serbisyo sa gitna ng banta ng geopolitical tensions at pabago-bagong klima o climate change na nagdudulot ng kawalan ng katiyakan sa maaaring maging epekto nito sa galaw ng presyo ng mga bilihin.
Naniniwala ang NEDA na epektibong mapapangasiwaan ng pamahalaan ang inflation at maiiwasan ang pagtaas ng presyo ng bilihin sa pamamagitan na rin ng tama at napapanahong pagpapatupad ng trade policy.
Tags: inflation, NEDA, PH Economy, PSA
