60 hanggang 80 piso na umento sa arawang sahod ng mga manggagawa ang inaasahan ng ilang labor groups na maitutupad bago matapos ang taon.
Malayo ito sa hinihinging accross-the-board minimum wage increase na 320 piso. Pero ayon sa Associated Labor Unions – Trade Union Congress of the Philippines (ALU- TUCP), ‘di hamak na mas malaki naman ito sa naunang ibinalita na 20 piso na dagdag sa arawang sahod.
Pero ayon sa ALU-TUCP, malayo pa rin ito sa standard na sahod na dapat tanggapin ng isang manggagawa.
Samantala, nilinaw naman ni Dean Antonio Abad, member ng board of governors ng Employers’ Confederation of the Philippines (ECOP) na maging siya ay hindi sang-ayon sa P20 lang na umento sa sahod ng mga manggagawa.
Ayon pa kay Abad, dapat magpatupad na ng price control ang pamahalaan sa mga pangunahing bilihin.
Matapos ang magkakasunod na public hearing ngayong buwan, magsasagawa na ng deliberasyon ang Regional Tripartite Wages and Productivity Board upang desisyonan ang petisyon ng mga manggagawa para sa dagdag-sahod.
( Aiko Miguel / UNTV Correspondent )
Tags: ALU-TUCP, dagdag sahod, minimum wage
METRO MANILA – Muling nanawagan kahapon (April 25) ang mga labor group na
isabatas na ang umento sa sahod, ilang araw bago ang pagdiriwang ng labor daysa May 1.Ayon sa kanila, hindi na talaga sasapat ang kasalukuyang minimum wage
para sa pangunahing gastusin o pangangailangan ng isang pamilyang Pilipino.
Ibinahagi rin ng mga ito na magsasagawa sila ng malawakang kilos protesta sa iba’t ibang
lugar sa bansa, partikular na sa Mendiola sa mismong araw ng paggawa sa May 1
na dala ang panawagang: “Dagdag sahod isabatas!”
Tags: dagdag sahod, labor group
METRO MANILA – Inaasahan ang pagtataas sa sahod ng mga kasambahay sa Metro Manila at mga minimum wage earner sa Caraga region matapos aprubahan ng kani-kanilang wage boards ang wage increase.
Sa isang pahayag, inanunsyo ng Department of Labor and Employment (DOLE) na kinumpirma ng National Wages and Productivity Commission (NWPC) ang wage order na isinumite ng Regional Tripartite Wages and Productivity Board (RTWPB) sa Caraga at NCR noong December 13, 2023.
Sa inilabas na Moto Propio Wage Order ng Caraga RTWPB, noong December 5, madaragdagan ang daily minimum wage ng P20 sa lahat ng sector mula January 1, 2024.
Habang magkakaroon pa ng additional P15 sa second tranche sa May 1, 2024.
Samantala naglabas din ng Moto Propio ang RTWPB ng NCR noong Decembr 12, kung saan nakasaad na madadagdagan ng P500 ang buwanang sahod ng mga kasambahay sa Metro Manila.
Dagdag pa ng DOLE, na ang wage orders ng RTWPB ng Caraga ay inilathala nitong December 16 at magiging epektibo 15 days mula sa publication nito
Habang ngayong December 18, 2023 naman ilalathala ang wage order para sa mga kasambahay sa NCR.
Tags: CARAGA Region, Metro Manila, minimum wage
Inaprubahan na ng Regional Tripartite Wages and Productivity Board ang P55 na salary increase para sa mga minimum wage earner sa buong rehiyon ng Bicol.
Sa ilalim na Wage Order No. RBV-20, magiging P365 na ang mininum wage sa lahat ng mga manggagawa sa rehiyon na ito’y ibibigay sa pamamagitan ng 2 tranch.
Ibibigay ang unang P35 sa oras na magiging epektibo ang kautusan habang sa December 1, 2022 naman ang dagdag na P20.
Bukod dito, naglabas ang Wage Board ng Wage Order No. RBV-DW-02 na magkakaloob ng P1,000 hanggang P1,500 na dagdag-sahod kada buwan para sa mga domestic worker kaya aabot sa P4,000 ang kanilang buwanang sahod.
Isusumite ang mga bagong kautusan sa National Wage and Productivity Commission at magkakabisa 15 araw pagkatapos mailathala sa mga pahayagan.
(Daniel Dequiña | La Verdad Correspondent)
Tags: dagdag sahod
