Good news sa mga kasambahay sa Metro Manila!
May ipatutupad na 1,500 na umento sa minimum na pasahod sa inyo bago matapos ang taon ayon sa Department of Labor and Employment (DOLE).
Ayon kay Labor Secretary Silvestre Bello III, aprubado na ng regional wage board ang 5,000 pesos na minimum na sahod ng mga kasambahay. Hinihintay na lamang aniya ang pormal na umpisa ng implementasyon nito.
Muli ring nagpaalala ang kalihim sa mga employer na dapat kumpleto ang benepisyo ng kanilang mga kasambahay gaya ng SSS, Philhealth at Pagibig.
“Iyong regional tripartite wage board here in Metro Manila submitted a wage adjustment of I think 1,500 for Metro Manila so what originally was 3,500 for our kasambagay in Metro Manila it is now P5,000,” ani Silvestre Bello III, Labor Secretary.
(Aiko Miguel | UNTV News)
