Patay ang isang Nigerian National matapos magsagawa ng isang buy-bust operation ang Philippine National Police-Drug Enforcement Group (PNP-DEG) sa Quezon City nitong Linggo ng gabi (February 27).

Kilalang drug dealer ang suspek sa Metro Manila at iba pang karatig na probinsya nito.

Ayon sa pulisya, ang grupo ng suspek ay naghahatid ng mga iligal na droga sa pamamagitan ng paglalagay nito sa loob ng mga kahon ng powdered milk na may halong sari-saring grocery items.

Ayon sa report ng DEG’s Special Operation Unit, ang suspek ay kinilala na si Ejotor Smart na namatay sa operasyon dakong 11:10pm sa Baranggay Batasan Hills.

Namatay ang suspek matapos niyang paputukan ang mga pulis na aaresto sa kanya.

Samantala, lumabas sa intial report na mayroong dalawang kasabwat ang suspek na kilala sa alyas na “KC Bamba”” at “Oga Aboy” na nakatakas sa opersayon.

(Zy Cabiles | La Verdad Correspondent)