METRO MANILA – Nasa 222,221 na mga customer ng water concessionaire na Maynilad ang bibigyan ng rebate o balik-bayad ngayong buwan ng Pebrero.
Ito ay matapos ilabas ng Metropolitan Waterworks and Sewerage System (MWSS) ang computation ng nasabing rebate na magrereflect sa susunod na waterbill ng mga customer na may kabuuang halaga na P27, 477, 617.12
Sa inilabas na report ng MWSS, nasa P376.78 ang makukuha ng mga apektadong customer na nawalan ng suplay ng tubig ng higit sa 24 hours.
Habang P101.30 naman para sa mga nawalan ng tubig ng paminsan-minsan.
Ilan sa mga lugar na mabibigyan ng rebate bukod sa Parañaque, ang Muntinlupa City, at Las Piñas City
Kabilang din ang mga lugar sa Cavite tulad ng Bacoor, Imus, Noveleta, Rosario at Cavite City.
Matatandaang nagkaroon ng water service interruptions sa naturang mga lugar dahil sa pagsasaayos ng Putatan Water Treatment Plant.
Ayon kay MWSS Chief Regulator Atty. Patrick Ty, nilabag ng Maynilad ang service obligation nitong serbisyuhan ang mga customer na nagresulta ng pagbibigay ng rebate ng naturang water concessionaire na aabot sa P27.4 million.
(Bernadette Tinoy | UNTV News)
METRO MANILA – Bumaba sa 193.06 meters ang lebel ng tubig sa Angat dam kahapon (April 18) mula sa 195.10 meters noong April 11.
Batay sa monitoring na isinagawa ng Metropolitan Waterworks and Sewerage System (MWSS), kada araw naman ay nasa 30-40 centimeter ang nababawas sa dam.
Pinangangambahan na umabot ang lebel ng tubig nito sa 180 meters na minimum operating level ng Angat dam.
METRO MANILA – Inihayag ng Metropolitan Waterworks and Sewerage System (MWSS) ang plano nitong magpatupad ng water pressure reduction sa susunod na buwan sa Metro Manila.
Sa pamamagitan nito, inaasahang mama-manage ng maayos ang suplay ng tubig sa NCR, ngayong nalalapit na ang panahon ng tag-init sa bansa.
Paglilinaw ng MWSS, hindi naman mawawalan ng tubig ang mga customer kundi babawasan lamang ang pressure tuwing off peak hours.
Kung dati ay umaabot ng ikalawang palapag ng bahay ang tubig sa gripo, maaring hanggang first floor na lamang ang kayang maabot ng tubig kapag binawasan ang pressure nito.
METRO MANILA – Aprubado na ng Metropolitan Water Works and Sewerage System (MWSS) regulatory office ang pagtaas sa singil ng Maynilad at Manila Water sa susunod na taon.
Ito ay dahil sa tariff adjustment bunsod naman ng inflation.
Para sa Maynilad customers, nasa P7.87 ang average increase sa kada cubic meter na konsumo.
Katumbas ito ng P4.74 na ang dagdag sa bill kada buwan para sa low-income lifeline consumers o nasa 10 cubic meters and below ang nakokonsumo .
P100.67 sa mga kumukunsumo ng 20 cubic meters at 205.87 sa mga kumukunsumo ng 30 cubic meters.
Para naman sa Manila Water customers, average na dagdag na P6.41 sa kada cubic meter.
Ang epekto nito sa mga residential area na nasa low-income lifeline consumers ay dagdag na P2.96 sa buwanang bill .
Additional na P76.68 na dagdag para sa 20 cubic meters at 154.55 sa mga kumukunsumo ng 30 cubic meters. Mag-uumpisa ang dagdag singil sa 2024.
Payo ng MWSS, sa mga maliliit lang ang sweldo at hindi hihigit sa 10 cubic meters ang konsumo ay maaari namang mag apply bilang mga lifeline customer.
Sa ganitong paaraan ay mas mababa ang magiging rate na kanilang babayaran.
Tags: Manila Water, Maynilad, MWSS
