Sinuspinde ng isang taon ng Office of the Ombudsman ang Provincial Agrarian Reform Adjudicator na si Romeo Covarrubias ng Davao Oriental matapos mapatunayang guilty ng disgraceful at immoral conduct at madalas na pagliban sa trabaho.
Lumabas sa imbestigasyon na may ibang kinakasama si Covarrubias na ipinakilala pa nito bilang asawa niya.
Madiskubre rin na mula May hanggang December 2013, 65 days lamang ito pumasok sa trabaho.
Bukod sa suspensyon, pinagmumulta rin si Covarrubias ng Ombudsman ng katumbas na halaga ng isang taon nyang sweldo.
