Naglabas na ng preventive suspension order ang Land Transportation Franchising and Regulatory Board laban sa operator ng Leomarick bus.

Ito ay matapos ang aksidente na kinasangkutan ng isang bus nito kahapon sa Carranglan, Nueva Ecija.

Tatlumpung araw na hindi maaring bumiyahe ang mga bus ng leomarick, habang patuloy ang isinasagawang imbestigasyon.

Ipatatawag din ng LTFRB ang may ari ng busline na si Leonardo Patulot, upang ipaliwanag kung bakit hindi dapat na suspendihin o tuluyang makansela ang kanilang prangkisa.

Itinakda ng LTFRB ang unang pagdinig sa kaso sa May 2, araw ng Martes sa central office sa East Avenue, Quezon City, ganap na alas nueve ng umaga.

Tags: bus crash, Leomarick bus, LTFRB, sinuspinde