Nagretiro na ngayong araw si Deputy Chief For Administration Police Deputy Director General Marcelo Garbo, ang pangalawa sa pinakamataas na posisyon sa Philippine National Police.

Ayon kay PNP PIO Chief P/CSupt. Wilben Mayor, eksaktong limampu’t anim na taon na ngayon si Garbo, ang edad ng pagreretiro sa serbisyo.

Bagama’t wala pang kapalit si Garbo, ang kanyang maiiwang trabaho ay maaring gawin ng number three man sa PNP.

Sa ngayon hinihintay pa nila kung sino ang papalit kay Garbo.

Tiniyak din ni Mayor na hindi naman maaapektuhan ang mga operasyon ng PNP kahit nagretiro na si Garbo.

(Lea Ylagan / UNTV Correspondent)

Tags: Deputy Chief For Administration Police Deputy Director General Marcelo Garbo, Philippine National Police