Ipinahayag ng incoming Special Assistant to the President-Elect na si Bong Go na magkahiwalay na gagawin ang inauguration ni incoming President Rodrigo Duterte at Vice-President Elect Leni Robredo.
Patas lamang aniya na mabigyan ng pagkakataon si Robredo na magdesisyon kung gaano karami ang iimbitahan nito sa kanyang inagurasyon.
Bagay na hindi nito magagawa kung sa Palasyo din idaraos ang kanyang oath-taking dahil sa limitadong bilang ng mga bisitang maaring makapasok sa Malacañang Palace.
Una ng sinabi ni President Elect Duterte na nais nitong maging simple at hindi makakaabala sa publiko ang kanyang inaugural celebration.
Nirerespeto naman ng kampo ni Vice-President Elect Robredo ang desisyong ito ng bagong pangulo.
(UNTV RADIO)
Tags: inauguration, President Rodrigo Duterte, Vice-President Elect Leni Robredo
METRO MANILA – Balik-malakanyang na ang pamilya Marcos mahigit 3 dekada mula nang mapatalsik si dating Pangulong Ferdinand Marcos Sr.
Kahapon (June 30), pormal nang naupo bilang ika-17 na pangulo ng bansa si President Ferdinand Bongbong Marcos Jr.
Eksaktong alas-12 ng tanghali kahapon (June 30) nakapanumpa na sa pwesto si Marcos Jr.
Sa kaniyang inaugural speech, tinanggap ni PBBM ang hamon at bigat ng tungkulin bilang lider ng bansa.
Kabilang sa tinalakay niya, ang ukol sa agrikultura na ayon sa kaniya ay kailangang matutukan.
Matapos nito ay nagkaroon ng maikling programa ng tradisyunal Van D Honneur.
Kung saan nagpaabot ng pagbati ang mga miyembro ng Diplomatic Corps sa bagong pangulo ng bansa.
Tags: inauguration, PBBM
METRO MANILA – Hinimok ng Manila Police District (MPD) ang mga raliyista na ipagpaliban ang kanilang mga kilos-protesta sa gaganaping inagurasyon ni President-Elect Ferdinand “Bongbong” Marcos Jr. sa darating na ika-30 ng Hunyo sa National Museum of Fine Arts sa Manila.
Ayon kay MPD Spokesperson Major Philipp Ines, hindi nila pahihintulutan ang mga raliyista na makalapit sa pagdarausan ng inagurasyon, ngunit para sa mga magpupumilit ay makakapag-protesta lamang sa freedom parks ng Manila at hindi maaaring lumapit sa venue.
Pinaalalahanan din ni Major Ines ang mga raliyista na mayroong “no permit, no rally” ang Manila na nakapaloob sa Batas Pambansa 880 o mas kilalang Public Assembly Act of 1985.
Ayon kay Bureau of Permits Director Levi Facundo, 2 grupo na ang nakapag-apply ng permit upang makapag-rally sa 2 magkahiwalay na petsa, una sa Hunyo 29 sa Mendiola habang sa Manila Cathedral naman ang isa sa darating na Hunyo 30.
Samantala, nakatakdang magtalaga ang MPD ng mahigit 4,000 pulis na magbabantay sa inagurasyon at nagbabala sa mga raliyista na kapag gagawa sila ng tahasang paglabag sa batas tulad ng pagharang sa daloy ng trapiko at pagsira ng mga government or private equipment ay aarestuhin nila ang mga ito.
(Jasha Gamao | La Verdad Correspondent)
Tags: inauguration, PNP
METRO MANILA –Aprubado ng 75% ng 1,500 rehistradong botante ang pagganap sa tungkulin ni Pangulong Rodrigo Duterte sa loob ng nakalipas na 6 na taon.
Batay ito sa isinagawang survey ng Publicus Asia Incorporated mula June 16-22, 2022.
10% lamang ang hindi sang-ayon, 69% naman ang nananatili ang pagtitiwala sa presidente habang 11% lamang ang hindi kumpyansa sa outgoing chief executive.
Ayon sa Executive Director ng Publicus na si Atty. Aureli Sinsuat, ipinakikita sa mga numerong aalis si Pangulong Duterte bilang pinaka-popular na presidente sa Post Edsa 1 era.
Dagdag pa nito, walang ibang presidenteng naglingkod sa ilalim ng 1987 constitution ang tinapos ang termino na may majority approval at trust ratings o supermajority ng public support. Ganito rin ang posisyon ng palasyo.
Kaya naman pagtanaw ng utang na loob sa sambayanang Pilipino ang tugon nito sa mataas na approval at trust rating.
Kaalinsabay ang panawagang ipagpatuloy ang pagkakaisa tungo sa pagkakaroon ng mapayapa, maunlad at maipagmamalaking bansa.
Sa Huwebes (June 30), inaasahang tuluyan nitong lilisanin ang Malacañang bago ang nakatakdang panunumpa sa pwesto ng hahalili sa kaniya sa pwesto na si President-elect Bongbong Marcos Junior.
(Rosalie Coz | UNTV News)
