Nahuli na ng Manila Police District ang number one most wanted ng MPD Station 6 habang nagsasagawa ng oplan sita kagabi.

May dalawang pending warrant of arrest ang suspek sa kasong theft at robbery snatching.

Ayon sa hepe ng MPD Station 5 na siyang nakahuli sa suspek, nakita ng mga pulis na paikot ikot sa Remedios Paco Manila ang lalaki na may kahinahinalang kilos kaya sinita at dinala sa istasyon at nakumpirma na may arrest warrant at most wanted ang suspek.

Plano ring sampahan ng kasong attempted murder ng kapitan ng barangay 774 sa Sta. Ana ang suspek matapos niyang paputukan ng sumpak noong Miyerkules ng madaling araw.

Sa kuha ng cctv camera, makikitang naglalakad papunta sa barangyay hall ang suspek na may dalang bag, ilang saglit pa nakitang tumatakbo na ang suspek pabalik at may hawak na umanoy sumpak. Apat ang sugatan sa insidente kabilang na ang kapitan.

Aminado naman ang suspek sa lahat ng reklamo sa kanya na pamamaril ng sumpak, paggamit ng ipinagbabawal na gamot, panghoholdup at pagssnatch.

Ayon naman sa ina ni Frederick, madalas niyang pinagsasabihan ang anak na ayusin na ang buhay at noong una ay pinapiyansahan pa ng kanyang kapatid ang suspek, subalit ngayon lolong na sa masamang gawain ang anak payag na siyang makulong ito sa bilangguan.

Samantala umapela ang mga otoridad sa lahat ng nabiktima ng suspek na magsampa ng reklamo upang mas maging matibay ang kaso laban sa suspek.(Benedict Galazan/UNTV Correspondent)

Tags: Manila Police District, number one most wanted, Sta. Ana