Ipinanganak ang isang healthy baby boy bandang 12:02 ng madaling araw ng January 1, 2018 sa Fabella Memorial Hospital sa pamamagitan ng caesarian operation. Pinangalanan siyang Khris Anthony Sarjos.
Isinunod ang pangalan ng new year baby sa pangalan ng doktor at nurse na nagfacilitate sa caesarian operation ni Mommy Michella Lucas. Pang-limang anak na ni Michella si Baby Khris Anthony Sarjos.
Ang unang apat niyang anak ay sa bahay isinilang sa pamamagitan ng normal delivery. First time ni Mommy Michella na manganak sa ospital dahil suhi o breech baby ang kaniyang bunso.
Kaya nagpasalamat sa Dios si misis dahil sa mga doktor at nurse na tumulong sa kaniyang makaraos ng maayos sa panganganak.
Ayon sa senior house officer ng Fabella Hospital, bagaman january 16 pa sana inaasahang lalabas si baby khris anthony sarjos, kapwa naman malusog ang mag-ina.
Nagpasalamat naman ang mister ni Mrs. Michella na si Noelito, dahil sa ligtas na operasyon ng asawa.
Umaasa din siya na lalaking mabait at responsable ang kaniyang baby boy.
( Abi St. Ines / UNTV Correspondent )
Tags: caesarian operation, Fabella Hospital, New Year baby boy
