METRO MANILA – Muling maglulunsad ng national COVID-19 vaccination drive ang Department of Health (DOH) sa December 5-7.
Ito ay upang mas mapataas ang bilang ng mga nababakunahan na mga Pilipino laban sa mga nakakamatay na sakit.
Ayon kay DOH Officer in Charge Maria Rosario Vergeire, ipa-prayoridad nila sa gagawing bakunahang bayan, ang mga bata edad 5 hanggang 11 na hindi pa nababakunahan ng unang booster dose.
Dagdag pa ni Vergeire palalakasin nila ang koordinasyon sa iba’t ibang organisasyon para mas makahikayat ng mga magpapabakuna.
