Sinalakay ng pinagsanib na pwersa ng Quezon City Police District at Food and Drug Administration ang isang bahay sa Brgy. Paltok sa Quezon City kahapon ng umaga. Ang target ng grupo , ang bahay ni Lilian Marte.
Sa bisa ng search warrant na ini-issue ni Judge Lyn Ebora-Cacha ng Quezon City Trial Court Branch 82, pinasok ang bahay ni Marte at doon na tumambad ang kahon-kahong imported na beauty products at injectible vitamins.
Ayon kay QCPD Director Police Chief Superintendent Guilermo Eleazar, nakapagsagawa na sila ng test buy sa suspek at ipinasuri na nila ito sa FDA bago ang nasabing operasyon.
Aminado naman ang suspek na hindi aprubado ng FDA ang kanilang produkto na binibili lamang nila online at ibinebenta rin nila ng online.
Ayon sa FDA, mapanganib na gamitin ang anomang uri ng gamot na hindi dumaan sa kanilang pagsusuri at hindi tama ang pag-iimbak.
Dadaan sa pagsusuri ng FDA ang mga nakumpiskang gamot at ipinagpapatuloy ang imbestigasyon sa supplier nito.
( Bernard Dadis / UNTV Correspondent )
Tags: beauty products, FDA, QCPD
Pang-anim ang Lloyd Laboratories sa mga manufacturer na may Emergency Use Authorization sa Pilipinas para sa molnupiravir production.
“Itong Lloyd Llaboratories kaya po nilang mag-produce ng 1 million capsules per year. Sasapat po ito para sa 25,000-50,000 patients, so ito pong ipo-produce ng Lloyd Laboratories dedicated po ito para sa Pilipinas lang po,” sinabi ni Dr. Oscar Gutierrez, OIC, FDA.
Ayon kay Food and Drug Administration Officer in Charge Oscar Gutierrez, dahil EUA pa lang ang mayroon nito at wala pang certificate of product registration, hindi pa ito maaaring ibenta sa mercado.
Nguni’t asahan anyang mas mababa ang presyo nito kapag may certificate of product registration na at maaaari nang mabili sa mga botika.
“Isang generic product usually po ang generic product po ay 30-50% mas mababa kaysa sa mga branded, nagpa-survey po ako kung magkano sa merkado po noong January 100-150 per capsule po ang molnupiravir. Pwede po itong asahan na ang Lloyd ay ima-market niyia within 50- 75 pesos na lang per capsule dahil sa 200 mg po na capsule, 40 capsules po ang kakailanganin ng pasyente para mabuo ang dosage regimen ng limang araw,” dagdag ni Dr. Oscar Gutierrez.
Sa ngayon, tanging ang Department of Health at National Task Force pa lang ang maaaring bumili ng molnupiravir.
Ang DOH naman ang magdadala nito sa health facilities at healthcare providers na may aprubadong compassionate special permit sa paggamit sa kanilang mga pasyente.
Batay sa clincal trial data results, ang oral antiviral pill ay mabisa upang maiwasan ang pagka-ospital at pagkasawi dulot ng Covid-19 infection.
Kumpara sa ibang Covid-19 investigational drugs, ang mulnopiravir ay dinisenyo para sa early treatment ng Covid-19 patients.
Samantala, upang maagapan naman na maglipana ang mga counterfeit pekeng gamot online, maglalabas ang FDA ng bagong guidelines sa pagbebenta ng gamot online.
Sa umiiral na guidelines sa Pilipinas ang mga licensed drug stores o pharmacies lang na may permit mula sa FDA na makapagbenta online ang mga lehitimong maaaring magbenta nito sa mga online platforms, binubuo ng FDA ngayon ang e-pharmacy guidelines.
Isasapubliko ng FDA ang e-pharmacy guidelines kapag naisapinal na ito.
Aiko Miguel | UNTV News
Tags: FDA, Lloyd Llaboratories, molnupiravir
METRO MANILA – Nagpaalala ang Food and Drug Administration (FDA) sa publiko na huwag bumili ng mga gamot sa mga ilegal na online stores, sari-sari stores o mga drug outlet na hindi FDA-licensed.
Nagbabala si FDA OIC Oscar Gutierrez sa pagkalat ng pekeng COVID 19 drugs tulad ng Tocilizumab.
“Yung sa left po is the tocilizumab po na tunay, itong mga nakalagay na fake may nakalabgay na foreign mark, I dont know language ang fake ay nasa kanan, ito ay ini-inject mahalagang malaman ng tao na hindi mapatronize” ani FDA Dr. Oscar Gutierrez.
Ayon kay Gutierrez noong 2021, nakahuli sila kasama ang PNP at nbi ng 49 na nagbebenta ng ilegal na gamot.
Kaya si Pangulong Rodrigo Duterte may paalala sa publiko.
“Mga kababayan ko huwag kayong bumili ng medisina for use against covid, huwag kayong magbili ng medisina di lang sa sari-sari store, kundi fly by night, bukas lang walang masyadong pinagbibili, kaya yan ang problema, huwag kayong bumili” ani Pres. Rodrigo Duterte.
Nais ni Pangulong Duterte na panagutin ang mga nagbebenta ng mga ilegal o counterfeit na gamot.
Kasunod nito ay may payo ang pangulo sa mga otoridad na nakakahuli na nagbebenta ng pekeng gamot.
“Yung mga fake na injectible kunin mo yung buksan mo, at sabihin mo dun sa CIDG o NBI, sayang man lang kahit fake, ipainom mo, ipainom mo dun sa mga…. Sabihin mo kung sino nag utos , sabihin mo ako pandagdag sa ICC”
Iniulat rin ng FDA kay Pangulong Duterte na nadagdagan pa ng isa ang naaprubahan nilang COVID-19 antigen self-testing kit.
“Meron pong nadagdag na home testing self-test kit so bali na tatlo na certified test kit, kung hindi ako nagkakamali gawa ata ito sa us” ani FDA Dr. Oscar Gutierrez.
Sa ngayon, nasa 3 brand na ang inaprubahan ng FDA na COVID -19 self-test kit.
(Nel Maribojoc | UNTV News)
Tags: FDA
METRO MANILA – Bago pa matapos ang taong 2021, nagdesisyon na ang Food ang Drug Administration (FDA) na aprubahan ang paggamit ng Pfizer COVID-19 vaccines para sa mga batang Pilipino.
Ang Pfizer vaccines para sa naturang age bracket ay ginagamit na sa pagbabakuna sa Estados Unidos, Canada at sa Europa
“Itong end of November, nag apply sa atin ng Emergency Use Authorization for use of Pfizer [for] 5 to 11 years old. Our experts have found that data submitted is sufficient for the equal approval.” ani FDA Director General Usec. Eric Domingo.
Malurit ang pagbusisi ng FDA at vaccine expert panel sa bakunang nakalaan para sa mas batang populasyon
Ayon kay FDA Director general eric domingo, mataas ang lumabas na efficacy rate ng pfizer batay sa mga isnigawang clinical trials
Ipinaliwanag din ng FDA na iba ang COVID-19 vaccines na ibinibigay sa mga bata kumpara sa ginagamit sa mga matatanda kaya kailangang bumili ang pamahalaan ng supply nito
Target masimulan sa bansa ang rollout nito pagpasok ng taong 2022
“Hindi po siya kapareho nung dosage na binibigay sa adult. Ito po ay mas mababang dosage at hindi lang iyon, yung concentration ng vaccine ay mas mababa din po kesa doon sa ginagamit sa adults ngayon.” ani FDA Director General Usec. Eric Domingo.
Ayon naman kay Dr. Nina Gloriani, Chairperson ng Vaccine Experts Panel- Technical Working Group for COVID-19 vaccine, isinumite nila ang rekomendasyon sa FDA na ibigay ang Pfizer COVID-19 vaccines sa lahat ng 5-11 y/o sa bansa.
Ayon pa sa VEP, lumalabas na mas mataas ang efficacy rate ng Pfizer COVID-19 vaccines sa 5 to 11 yrs old kumpara sa 17 to 24 yrs old.
Samantala, aprubado na rin sa Pilipinas ang EUA ng oral antiviral pill na Molnupiravir.
Batay sa datos ng naunang clincal trial results nito, makapipigil ang COVID treatment pill na lumala ang sitwasyon ng isang taong may mild o moderate COVID-19 symptoms.
Ayon sa mga medical expert at clinical investigators sa bansa, makakatulong na makapuksa ang Molnupiravir laban sa COVID-19 variants of concern gaya ng heavily mutated Omicron.
Ayon sa FDA, maglalabas ng guidelines ang DOH sa paggamit at distribusyon ng Molnupiravir batay na rin sa administrative order ng mga gamot na mayroon pa lang EUA sa Pilipinas.
(Aiko Miguel | UNTV News)
Tags: COVID-19 Vaccine, FDA, Pfizer
