Naaresto ng mga tauhan ng Manila Police District (MPD) ang dalawang lalaking hinihinalang nagbebenta ng marijuana sa isang bahay sa Caniogan Pasig City bandang alas nuebe kagabi.
Nahuli sa isinagawang buy bust operation sina Carlitos Johanne Arpilleda at Jayson Peralta.
Nasabat ang halos kalahating kilo ng high grade na marijuana na tinatayang nagkakahalaga ng isang milyong piso at inangkat pa umano sa California, USA.
Inoorder umano ang mga kontrabando sa pamamagitan ng isang internet website at idinideliver ng isang international courier papasok sa bansa.
Mahaharap ang mga suspek sa kasong paglabag sa Comprehensive Dangerous Drugs Act of 2002 habang magsasagawa ang mga otoridad ng malalim na imbestigasyon para malaman kung papaano nakalusot sa bansa ang mga kontrabando.
Tags: imported marijuana, MPD, Pasig city
METRO MANILA – Nagsagawa ng isang “graduation” ang Pasig City Government para sa mga medical frontliner sa Rizal High School centralized quarantine facility nitong Biyernes (July 29).
Ibinahagi ni Pasig City Mayor Vico Sotto sa kaniyang Facebook page ang pagbibigay-pugay at pagkilala ng lokal na pamahalaan sa mga healthcare worker.
Lubos na nagpapasalamat ang alkalde dahil sa kanilang walang kapaguran at dedikasyon na makapaglingkod sa mga pasyente na nagkakasakit sa loob ng 2 taon.
Matatandaang ipinanukala ng mga kawani ng Disaster Risk Reduction and Management Office na gawing centralized quarantine facility ang isang paaralan noong March 2022.
Inaprubahan ng Department of Health (DOH) ang paggamit ng nasabing paaralan bilang isolation facility at sinimulang tumanggap ng mga pasyente noong May 2020 kung saan kayang mag-okupa nito hanggang 1,000.
Ayon kay Sotto, bagama’t pinagtatawanan ng marami ang ganitong plano ngunit hindi ito naging hadlang para ituloy pagpapanatili ng kapakanan ng mga Pasigueño.
Bilang paghahanda sa muling pagbubukas ng school year 2022-2023 sa Agosto, muling ibabalik sa dating Rizal High School ang nasabing isolation facility.
(Daniel Dequiña | La Verdad Correspondent)
Tags: DOH, Pasig city
METRO MANILA – Mahigpit nang ipatutupad ng pamahalaang lungsod ng Pasay at Quezon City ang kanilang ordinansa na ipinagbabawal ang mga walang damit pang itaas.
Lahat ng mahuhuli ay pagmumultahin ng hanggang P4,000 at 1 araw na community service ang parusa sa mga lalabag dito.
Layon ng mga ordinansang ito na makapagtanim ng kabutihang asal at pagiging disente sa publiko. Samantala tanggap naman ng ilang mga residente na maganda ang intensyon ng naturang batas.
(Asher Cadapan Jr. | UNTV News)
Tags: Pasig city, Quezon City
Nasakote ng mga tauhan ng Manila Police District (MPD) ang tatlong lalaking ito na suspek sa magkasunod na pandurukot at pangho-holdap sa dalawang estudyante sa Espanya Boulevard sa Sampaloc, Maynila kahapon.
Kinilala ang mga suspek na sina Alvin Ramos, 23 anyos; Mark Wilson Casampol, 28 anyos at Alfred Mendoza, 37 anyos.
Nakita naman sa CCTV ang pagsunod ng dalawang suspek sa isa pang estudyanteng biktima na menor de edad, habang naghihintay ng masasakyan sa kanto ng P. Noval Street.
Nang pasakay na ang biktima ay sinabayan at inipit ito ng mga suspek at doon na umano dinukot ang cellphone ng estudyante.
Ilang sandali pa ay makikitang tila hinahanap na ng biktima ang kaniyang cellphone habang patay malisya naman ang mga suspek.
Matapos ang mga pangyayari ay agad humingi ng tulong ang mga biktima na nakatawag ng pansin sa mga rumorondang pulis.
Parehong cellphone ang nakuha sa mga estudyante bagaman hindi na narecover pa dahil tangay ng isa sa mga nakatakas na suspek.
Ayon pa kay Police Inspector Alombro, talamak ang robbery at holdap sa lugar kaya naman pinaiigting nila ang police visibility at pagroronda ng mga pulis sa lugar.
Itinanggi ng mga suspek ang panghoholdap at paggamit ng patalim bagaman inamin ng mga ito na dinudukutan lang ang kanilang mga biktima.
Nasa kustodiya na MPD ang mga suspek na mahaharap sa kasong robbery.
Patuloy pang tinutugis ng mga otoridad ang iba pang suspek at ang posibleng grupong kinabibilangan ng mga ito.
( Asher Cadapan Jr. / UNTV Correspondent )
