Hinikayat ni Vice President Leni Robredo na magsampa ng diplomatic protest ang Pilipinas kaugnay ng umano’y lumalalang militarisasyon ng China sa West Philippine Sea.
Ito’y matapos lumabas ang mga ulat mula sa Reuters at US network na CNBC noong Myerkules na tahimik umanong nagdedeploy ang China ng mga anti-ship at anti-aircraft missiles sa Panganiban, Fiery Cross at Subi Reef.
Sa inilabas na pahayag ng pangalawang pangulo kahapon, sinabi nito na paglabag ito sa United Nations Convention on the Law of the Sea (UNCLOS) at banta sa seguridad at soberanya ng bansa.
Dagdag pa nito, ang West Philippine Sea ay isang major passageway ng mga barko mula sa iba’t-ibang bansa para sa pangangalakal at ang pagtaas ng tensyon sa lugar ay makakaapekto sa mga ito.
Noong nakaraang linggo, nagbabala na ang White House sa Beijing dahil sa paglalagay ng mga missile systems sa mga artificial islands.
Una nang nilinaw ni Presidential Spokesperson Sec. Harry Roque na hindi naman sinisisi ni Pangulong Rodrigo Duterte ang nakaraang administrasyon sa nangyayaring reklamasyon ng China.
Ngunit nag-umpisa umano ang mga pagtatayo ng pasilidad sa West Philippine Sea sa panahon ni dating Pangulong Benigno Aquino III.
Para naman sa Department of Foreign Affairs (DFA), klaro ang interes ng bansa at naninindigan itong may karapatan ang Pilipinas sa teritoryo at soberanya sa mga isla.
Ngunit hindi umano ito basta mareresolba kung ang mag-uusap lamang ay ang China at Pilipinas.
( Mai Bermudez / UNTV Correspondent )
Tags: China, VP Robredo, West PH Sea
METRO MANILA – Nagbigay ng sagot ang China sa pahayag na sinadya nito ang agresibong aksyon ng China Coast Guard laban sa tropa ng Pilipinas na nagsagawa ng rore misyon sa Ayungin Shoal noong June 17.
Ayon kay China Ministry of Foreign Affairs Spokesperson Mao Ning, nilinaw na ng China ang nangyari at ang posisyon nito sa umano’y ilegal na pagpasok ng mga sasakyang pandagat ng Pilipinas sa Ayungin Shoal na tinatawag nilang Ren’ai Jiao, at iginiit na teritoryo ito ng China.
Sinabi rin ni Mao na dapat itigil na ng Pilipinas ang umano’y probokasyon at paglabag nito sa soberanya ng China,
Isaayos ang maritime differences sa pagitan ng 2 bansa sa pamamagitan ng negosasyon at konsultasyon, at magtulungan para sa pagtsataguyod ng kapayapaan sa South China Sea.
METRO MANILA – Dapat ipatawag na ang Chinese ambassador sa Manila dahil sa huling agresyon ng China sa West Philippine Sea (WPS).
Isang Philippine Navy Service member ang naputulan ng daliri at anim na iba pa ang nasugatan kasunod ng banggaan ng 1 Chinese ship at Philippine vessel na nasa isang rotation at resupply mission sa Ayungin Shoal, araw ng Lunes, June 17.
Kailangan na ring iakyat ang usapin sa international bodies gaya ng United Nations.
Samantala, nagtataka naman si House Deputy Minority Leader at ACT Teachers’ Party-list Representative France Castro sa aniya’y tila pananahimik ni Pangulong Ferdinand Marcos Junior sa pinakahuling pangyayari sa West Philippine Sea (WPS).
Ayon sa kongresista, hindi pwedeng business as usual sa usapin.
METRO MANILA – Isinasapinal na ang environmental case na isasampa ng Pilipinas laban sa China kaugnay ng pinsala sa West Philippine Sea (WPS) sa loob ng ilang Linggo ayon sa Department of Justice (DOJ).
Ayon kay DOJ Spokesperson Mico Clavano, patuloy naman na nakikipag-ugnayan ang Office of the Solicitor General (OSG) sa pangangalap ng ebidensya para sa mas malakas na demanda.
Pinag-aaralan rin ng OSG ang mga legal na opsyon sa nasirang coral at seabed sa rozul reef at escoda shoal sa wps, kabilang ang paghahain ng reklamo sa international tribunal na nakakasakop dito, gaya ng Permanent Court Arbitration (PCA) sa The Hague.
