METRO MANILA – Naging payapa ang nakaraang long holiday sa Metro Manila .

Ayon kay NCRPO Director Police Major General Edgar AlanOkubo, walang naitalang ano mang insidente na nakaapekto sa peace and order sa NCR.

Nilinaw din ng opisyal na pawang mga fake news ang kumalat sa social media kaugnay sa mga nangyaring krimen sa isang Japanese at Chinese restaurant at maging sa kilalang coffee shop.

Pinaiimbestigahan na aniya nila sa Anti Cyber Crime Group kung sino ang mga nagpakalat ng fake news.

Samantala, sinabi din ni Major General Okubo na mananatiling naka heightened alert ang NCRPO hanggang sa ikalawang Linggo ng buwan ng Mayo dahil mayroon pa aniyang holiday sa susunod na buwan kabilang ang labor day.

Tags: PNP