Ilang araw mula nang ipatupad ang COMELEC gun ban kasabay ng pagpasok ng election period, umabot na sa limamput anim ang nahuli ng Philippine National Police sa isinasagawang checkpoint sa buong bansa.
Isa sa nahuli ay ang security guard sa Nueva Ecija na kinilalang si Arcangel Guillermo 52 anyos at residente ng Brgy Mayapyap Sur Cabanatuan City
Kwento nito, pauwi na siya ng bahay dala ang kaniyang 9mm na baril ng mahuli sa checkpoint
Samantala, bukod sa security guard, isang pulis din ang nahuli naman sa checkpoint sa Tondo, Maynila
Kinilala itong si PO1 Marvin Granada na bukod sa 9mm caliber glock 17 ay nakuhanan din ng dalawang sachet ng shabu
Kabilang din sa mga nahuli ay 50 sibilyan din ang nahuli, 1 coastguard, 1 cafgu, at 1 law enforcement officer
Nasa 46 naman ang nakumpiskang baril, 110 na mga deadly weapon at 108 na ammunition.
Ang pagpapatupad ng gunban ay isa sa mga paraan ng gobyerno upang maiwasan ang krimen sa panahon ng eleksyon.
(Grace Doctolero/UNTV News)
Tags: checkpoint, COMELEC gun ban
METRO MANILA – Hindi makalulusot sa checkpoint ang mga maghahatid o susundo ng Authorized Persons Outside Residence (APOR).
Ayon kay Philippine National Police Chief PGen. Guillermo Eleazar, ito ay batay na rin sa direktiba ng Inter Agency Task Force sa ilalim ng ipatutupad na Enhanced Community Quarantine (ECQ).
“Napakahirap na malaman natin kung ang isang nagmamaneho na may dalang private vehicle ay totoo na sya ba ay pupunta at may susunduin na apor o kaya ay pauwi galing sa paghahatid ng APOR.”ani PNP Chief, PGen. Guillermo Eleazar.
Sinabi ni PNP Chief na mayroon namang mga bumibiyaheng pampublikong transportasyon kahit naka-ECQ sa National Capital Region.
“Ngayon naman ay patuloy na mayroong public transportation on 50% capacity at dalawang linggo lamang naman ito at hinihingi namin ang kooperasyon ng iba at ng lahat dahil napakahirap na abusuhin itong sitwasyon na ito” ani PNP Chief, PGen. Guillermo Eleazar.
Samantala, nilinaw din ni JTF CV Shield Commander PLtGen. Israel Ephraim Dickson na hindi maiipit sa traffic sa mga checkpoint ang mga cargo trucks dahil may nakalaang lane para sa kanila.
“Lalong lalo na yung mga trucks na magde deliver ng essential goods, yung mga nasisira at kailangang makarating on time dito sa Metro Manila o palabas sa Metro Manila, yun ay mina man ng highway patrol para sila ang mag aassist at titingin sa para magkaroon ng smooth flow ng traffic sa mga lugar na yun” ani JTF CV Shield Commander PLtGen. Israel Ephraim Dickson.
Tiniyak rin ng PNP na hindi na mauulit ang nangyari noong July 26, kung saan ilan sa mga idineploy na pulis sa SONA ay positibo sa COVID-19.
“Sa utos ng ating Chief PNP kailangan ang regular check sa kalusugan ng ating mga pulis para sila ay healthy at isa ay ang regular conduct ng RT PCR test at pangalawa ay yung self-assessment namin” ani JTF CV Shield Commander PLtGen. Israel Ephraim Dickson.
Sinabi din ni administrative support against COVID-19 Task Force Commander PLtGen. Joselito Vera Cruz na nasa 50% na ng mga pulis sa Metro Manila ang bakunado na.
Agad din sinusuri sa PNP General hospital kung masama ang pakiramdam at hindi pinapapasok ang mga ito sa trabaho.
(Lea Ylagan | UNTV News)
Tags: APOR, checkpoint, ECQ, PNP
METRO MANILA – “Dont lower your ground,” ito ang utos ni JTF CV Shield Commander PLTGEN. Guillermo Eleazar sa mga pulis laban sa mga patuloy na lumalabag sa Enhanced Community Quarantine (ECQ).
Ayon kay Eleazar, kailangan pa ng mas istriktong pagbabantay hanggang sa mabawasan na ang patuloy na lumalabas sa kani-kanilang bahay.
Base sa tala ng JTF CV Shield, simula March 17 hanggang April 8, nasa 96,330 na ang kanilang naharang o sinita na lumalabas labas ng bahay sa buong bansa. 71.06% o 68,451 ang pinagsabihan at pinauwi ng bahay. Mahigit kalahati ang naharang sa Luzon na nasa 55,665 .
Samantala 17,748 ang mula sa Visayas at 22,917 ang mula sa Mindanao. Nasa 4,460 naman ang pinagmulta base sa ordinansa ng mga lokal na pamahalaan at nasa 23,419 naman ang sinampahan ng kaso.
Sinabi pa ni Eleazar, napansin nya sa kanyang pag-iikot na marami pa ring mga sasakyan na hindi cargo trucks ang nasa lansangan na dapat aniyang bantayan at hulihin para hindi mamihasa.
(Lea Ylagan)
Tags: checkpoint, Coronavirus, Covid-19, PNP
MTERO MANILA, Philippines – Nakumpiska ng Civil Security Group-Supervisory Office for Security and Investigation Agencies ng PNP ang 331 armas mula January 13 hanggang sa kasalukuyan. Ang 250 dito ay mula sa mga security agency na naisyuhan ng cease to operate order habang ang 81 naman ay nakuha sa mga inspeksyon mula nang magumpisa ang election period.
Ang mga firearms ay kinabibilangan ng mga 55 12 ga shotgun; 39 na 9mm pistol; 222 na .38 caliber; 10 super .38 st 1 cal 380, 2 cal .32 at w mac intratec.
Umabot na sa 1,257 ang bilang ng mga nakumpiskang baril sa mga security agency sa buong bansa.
Mahigit naman sa 5 libo ant nakumpiskang lose firearms ang nakumpiska rin ng PNP mula nang paigtingin ang kanilang kampanya noong nakaraang taon.
Ayon kay General Albayalde, kailangan ng endorsement ng PNP sa pagkuha ng permiso ang isang personalidad sa COMELEC para mabigyan sila ng bodyguard mapa mula man ito sa isang security agency o sa hanay ng mga pulis.
(Rey Pelayo | UNTV News)
Tags: COMELEC, COMELEC gun ban, firearms, PNP
