Pasado alas diyes kagabi nang maaksidente ang isang driver ng motorsiklo sa Barangay Bilolo, bayan ng Orion sa Bataan.

Ayon sa biktima na kinilalang si Fortunato Factoran, trenta anyos, bukod sa madilim ay mabuhangin ang kalsada kung kaya siya sumemplang.

Nagtamo ng mga gasgas sa magkabilang braso at sugat sa iba’t ibang bahagi ng katawan si Fortunato na agad namang nilapatan ng pangunang lunas ng UNTV News and Rescue Team.

Samantala matapos bigyan ng first aid ay tumanggi nang magpahatid sa ospital ang biktima.

(Joshua Antonio / UNTV Correspondent)

Tags: Naaksidenteng motorcycle rider, tinulungan ng UNTV News and Rescue sa Bataan