Tatlo na ang iniulat na nasawi sa magnitude 6.8 na lindol sa Central Myanmar.
Ayon sa mga otoridad, dalawa sa mga nasawi ay mga batang babae na nabagsakan ng nag-collapse na pagoda sa bayan ng Yenachaung.
Lalaki ang isa pang nasawi na nabgsakan naman ng bubong ng isang factory sa Pakokku.
Sentro ng lindol ang bayan ng Chauk malapit sa Ayeyarwaddy river sa timog na bahagi ng kapitolyo ng Bagan.
Naramdaman rin ang lindol sa mga karatig bansang Thailand, Bangladesh at India.
Tags: magnitude 6.8 na lindol, Myanmar
Mas matibay na ugnayan sa pagitan ng Myanmar at Pilipinas ang resulta ng pagdalaw ni Pangulong Rodrigo Duterte sa Nay Pyi Taw, Myanmar.
Si President U Htin Kyaw na kauna-unahang civilian president ng Myanmar ang mismong nanguna sa welcome ceremony kay Pangulong Duterte at sa kaniyang delegasyon sa presidential palace.
Nagkaroon ng bilateral meeting ang dalawang leaders at ayon sa Department of Foreign Affairs, natalakay dito ang regional cooperation ng ASEAN kung saan hiniling ng pangulo sa Myanmar na palakasin pa ang ugnayan ng dalawang bansa sa usapin ng trade at investments.
Kaugnay din ito ng tumataas na bilang ng mga Philippine companies sa bansang Myanmar.
Sinaksihan din ni Pangulong Duterte ang pagpirma sa Memorandum of Understanding on Food Security and Agricultural Cooperation sa pagitan ng Department of Agriculture ng Pilipinas at Myanmar’s Ministry of Agriculture, Livestock and Irrigation.
Sa huli, nakipagpulong din si Pangulong Duterte sa state counsellor na si Daw Aung San Suu Kyi at inimbitahan niya itong dumalaw sa Pilipinas.
Samantala, nag-turn over si Pangulong Duterte ng pledge na halagang 300 thousand us dollars kay Daw Aung San Suu Kyi bilang humanitarian assistance ng bansa para sa Rohingya minorities sa Rakhine state.
Nagpasalamat naman ang Myanmar government sa patuloy na pag-ayuda ng Pilipinas.
Pasado alas-dies naman kagabi, Thailand time nang dumating ang pangulo sa Bangkok para sa dalawang araw na official visit.
(Rosalie Coz / UNTV Correspondent)
Tags: bilateral meeting, investments, Myanmar, Pilipinas, trade
Nakatakdang magtungo si Pangulong Rodrigo Duterte sa Myanmar at Thailand ngayong buwan.
Kabilang sa mga layunin ng official visit ng pangulo ay ang paghingi ng payo hinggil sa gaganaping Association of Southeast Asian Nations o ASEAN Summit sa Pilipinas ngayong taon.
Unang pupuntahan ni Pangulong Duterte ang Myanmar sa March 19 hanggang 20.
Sunod naman ang Thailand sa March 21 hanggang 22.
Aalamin ng pununong ehekutibo sa mga bansang pupuntahan ang mga nais talakayin ng mga ito sa gaganaping ASEAN Summit.
Tags: Myanmar, Pangulong Duterte, Thailand
Niyanig ng magnitude 6.9 na lindol ang border ng Myanmmar at India kagabi.
Ayon sa U.S. geological survey, tumama ang lindol sa Northwestern Myanmar at naramdaman rin sa Eastern India, Bangladesh at ilang bahagi ng Nepal.
Ilang empleyado at mga residente ang nagmamadaling lumabas ng kanilang opisina at bahay dahil sa takot.
Pansamantala rin pinutol ang suplay ng kuryente sa Northeast India matapos i-shutdown ang mga thermals station bilang precautionary measures.
Wala pang naiulat na nasaktan at nasirang ari-arian dahil sa lindol.
