Nagkainitan kahapon sina MRT-3 General Manager Rodolfo Garcia at House Speaker Pantaleon Alvarez sa pagdinig ng House Committee on Transportation kaugnay ng mga isyung kinakaharap ng MRT.
Hindi napigilan ni Garcia na sigawan si Alvarez matapos nitong kwestyunin ang kanyang kakahayan sa pagsasa-ayos ng operasyon ng mga tren. Paliwanag ni Garcia, isa sa kanyang mga tinututukan ang testing sa 48 Dalian trains.
Aniya, 4 na sa mga ito ang kayang patakbuhin at maari nang magamit ng mga pasahero, bagay na tinutulan naman ni Speaker Alvarez.
Sa gitna ng mainitang pagtatalo, tinangka pa ni Garcia na magwalk-out, subalit pinigilan siya ng ilang congressman.
Ipinagtanggol naman ng mga mambabatas ang house speaker at iminungkahi na i-cite for contempt si Garcia dahil sa naging asal nito.
Nahimasmasan naman si Garcia matapos kausapin ni House Majority Floor Leader Rodolfo Fariñas. Agad ding humingi ng paumanhin kay Alvarez ang MRT general manager. Dahil dito, binawi na ng mga mambabatas ang pagpapa-contempt kay Garcia.
Nang muling tanungin ni Alvarez kung seryoso si Garcia sa kanyang pagbibitiw sa pwesto, sinabi nito na nabigla lamang siya sa kanyang unang naging pahayag.
( Joan Nano / UNTV Correspondent )
Nabahala si Pangulong Rodrigo Duterte sa isinusulong na no-election scenario ni dating House Speaker Pantaleon Alvarez.
Ayon kay Presidential Spokesperson Harry Roque, ito rin marahil ang dahilan kung bakit isinulong ng mga mambabatas na mapalitan ito sa pwesto.
Hindi naman sinagot ng palasyo ang umano’y bantang pagwo-walk out ng Pangulo noong Lunes kundi naayos ang problema sa house leadership bago magsimula ang kanyang State of the Nation Address (SONA).
Ayon naman kay Oriental Mindoro Congressman Reynaldo Umali, posibleng malaki talaga ang naging epekto ng alitan nina Mayor Sara Duterte at Alvarez sa pagkakaalis nito sa pwesto.
Sa kabila naman ng pagtuligsa sa pagkakahalal kay Pampanga Rep. Gloria Arroyo bilang bagong house speaker, tiniyak ng Malakanyang na buo ang suporta at tiwala nila dito.
( Rosalie Coz / UNTV Correspondent )
Tags: House Speaker Alvarez, Malakanyang, SONA
Kung gugustuhin, kayang-kaya nang i-impeach ng Kamara ang punong mahistrado ng Korte Suprema ayon kay House Speaker Pantaleon Alvarez. Subalit ayon kay Alvarez, pinigilan niya muna ang nasa mahigit 200 kongresista na nais magendorso nito. Ang dahilan, nais muna nilang dumaan sa kumite ang reklamo.
Pagdating sa kumite posible umanong sabay na dinggin ang dalawang impeachment complaint laban kay Sereno.
Sinabi pa ni Alvarez na una namang talakayin ng Kamara ang reklamo laban kay Sereno bago ang impeachment complaint laban kay COMELEC Chairman Andres Bautista.
(Grace Casin / UNTV Correspondent)
Tags: CJ Sereno, House Speaker Alvarez, impeachment complaint
Umapela si House Speaker Pantaleon Alvarez sa Korte Suprema na bawiin na ang Temporary Restraining Order sa full implementation ng Reproductive Health Law.
Ayon kay Congressman Alvarez, dapat nang desisyunan ng mataas na hukuman ang naturang isyu sa lalong madaling panahon.
Ganito rin ang panawagan ng opposition bloc na pinangungunahan ni Albay Representative Edcel Lagman na humihikayat din sa SC na alin ang tro na pumipigil sa Department of Health sa pagbili at pamimigay ng family planning devices.
Tags: hiniling sa SC na bawiin na ang TRO sa full implementation, House Speaker Alvarez, Reproductive Health Law
