Nagsimula na ang MRT bus project ng Land Transportation Franchising and Regulatory Board.

Ang MRT bus project ay nagsisimula ng alas-6:00 ng umaga hanggang alas-7:30 lamang subalit ngayong araw ay nag-extend sila hanggang alas-9:00 ng umaga

Tinukoy ng LTFRB ang mga istasyon na may pinakamaraming pasahero ng MRT, ang North at Quezon Avenue.

Magkakaroon ng apat na ruta ang MRT bus, North Avenue-Ayala, North Avenue-Ortigas-Shaw, Quezon Avenue-Ayala at Quezon Avenue-Ortigas Shaw.

Dadating rin ang mga bus kada sampung minuto at ang halaga ng pasahe ay katulad rin ng pasahe sa MRT.

Ang mga bus company na makikiisa sa proyekto ay pinahintulutan ng MMDA na makapag-operate kahit sa mga araw na sila ay nasasakop ng number coding.(Mon Jocson/UNTV News)