Ginawaran ng natatanging parangal si Mr. Public Service Kuya Daniel Razon sa UmalohokJuan Awards 2016 ng Lyceum of the Philippines Manila Campus.
Isa si Kuya Daniel sa mga binigyan ng special citation award, dahil sa kanyang mga natatanging proyekto na may layuning makapagbigay ng serbisyo publiko para sa mga mahihirap nating mga kababayan.
Kabilang si Kuya Daniel sa mga napili ng faculty members at mga opisyal ng LPU Manila campus na karapat-dapat na tumanggap ng naturang parangal dahil sa pagsisilbi nito bilang isang mabuting halimbawa at kahanga-hangang personalidad sa larangan ng media.
Ilan sa mga public service na patuloy na isinusulong ni Kuya Daniel ang libreng sakay, free medical mission, free scholarship program, action center ni kuya at iba pang mga programa.
Ang UmalohokJuan Awards ay isang communication media awards, na nagbibigay pagkilala sa mga natatanging organisasyon, mga personalidad at TV programs na may malaking kontribusyon sa pagpo-promote ng justice, unity at nationalism na mga katangiang isinulong ng founder ng Lyceum of the Philippines na si Jose P. Laurel.
Ito na ang ikatlong taon ng UmalohokJuan Awards, ngunit ito ang unang pagkakataon na nagbigay ito ng special citations award.
Naniniwala naman ang pamunuan ng LPU na ipagpapatuloy ni Kuya Daniel ang kanyang mabuting adhikain na makatulong sa mga kapus-palad nating mga kababayan.
(Joan Nano/UNTV News Correspondent)
Tags: BMPI-UNTV CEO Daniel Razon, clinic ni kuya daniel razon, DANIEL RAZON, Get it Straight Daniel Razon, Kuya Daniel Razon, Mr.Public Service Kuya Daniel Razon, Radyo la Verdad 1350, UNTV RADIO 1350
METRO MANILA – Isasapinal na ngayong araw ng Metro Manila Mayors, ang kanilang rekomendasyon hinggil sitwasyon ng Enhanced Community Quarantine sa National Capital Region.
Planong irekomenda ng Metro Manila Council sa IATF na muling i-extend ng labing limang araw (15) ang ECQ sa NCR.
Sa panayam kay Paranaque City Mayor at MMC Chairman Edwin Olivarez sa programang Serbisyong Bayanihan, sinabi nito na bagaman nakakakita na sila nang unti-unting pagpatag ng kaso ng COVID-19 sa NCR mas makabubuti pa rin kung muling ie-extend ang lockdown.
Pabor ang MMC na magkaroon muli ng extension, lalo’t magkakaugnay ang mga siyudad sa NCR, at may mga tao na nakatira sa isang lungsod, subalit nagta-trabaho sa ibang siyudad sa Metro Manila.
“Sa paguusapan namin mas maganda kung maikokonsidera ng IATF na mai-extend pa for another 15 days para po yung ating inumpisahan ay magtuloy-tuloy at hindi lang mag flatten yung curve kundi maging down pababa na po yung curve regarding sa ating mga covid patient,” ayon Mayor Edwin Olivarez, Paranaque City and MMC Chairman sa panayam sa kanya ni Kuya Daniel Razon sa programang Serbisyong Bayanihan.
Sakaling palawigin pa sa 15-araw ang ECQ, kumpiyansa ang Metro Manila Mayors na kakayanin pang tugunan ang pangunahing pangangailangan ng mga residente sa NCR.
Samantala, muli iginiit ng Malacanang na ang IATF pa rin ang magpapasya sa kapalaran ng lifting o extension ng ECQ, na dapat ay nakabatay sa siyensa, datos at kakayahan ng health care facilities.
“The ECQ will end on May 15, so I supposed a few days before May 15 dahil kinakailangang mag-transition din tayo sa GCQ para sa mga areas na pwede nang mag-GCQ (General Community Quarantine),” ayon kay Harry Roque,
Presidential Spokesperson.
Suportado naman ng Malakayang ang naunang pahayag ng DILG na may ilang LGU na sa Metro Manila ang pwede nang mag-lift ng ECQ, at maibaba na ang sitwasyon sa General Community Quarantine.
(Joan Nano)
Tags: ECQ, Harry Roque, Kuya Daniel Razon, Mayor Edwin Olivarez, Metro Manila Mayors, Serbisyong Bayanihan UNTV
METRO MANILA – Idinulog ni Manuel Diola sa programang Serbisyong Bayanihan ni Kuya Daniel Razon nitong Lunes, ika-27 ng Abril ang kanyang problema dahil hindi niya natanggap ang ayuda para sa kanya mula sa Social Amelioration Program ng DSWD at para mailapit na mismo ito sa ahensya.
Nang malaman kasi ng reperesentantive ng DSWD na siya ay driver, ay naudlot ang pagtanggap nito ng ayudang pera mula sa SAP at sinabi sa kanya nito na makipag-ugnayan na lang siya sa Land Transportation Franchising and Regulatory Board.
Agad inaksyunan ng programang Serbisyong Bayanihan ang problema ni mang Manuel. Tinawagan ng programa ang DSWD Regional Director ng NCR na si Mr. Vic Tomas upang resolbahin ang suliranin.
Si Mang Manuel ay naninirahan sa Brgy. Lawang Bato, Valenzuela City. Walang itong kinabibilangang transport sector kung kaya hindi qualified na tumanggap ng ayuda na manggagaling sa LTFRB.
Sa panayam ni Kuya Daniel Razon kay Dir. Vic Tomas, sinabi nito na makikipag-ugnayan siya sa mga DSWD personnel na nagtungo kina mang Manuel upang alamin kung ano na ang status ng Social Amelioration Program form niya upang mula sa hakbang na ito hanggang sa matapos ang iba pang requirements ay maibigay na kay mang Manuel ang ayudang pinansyal mula sa SAP.
Nagpasalamat naman si Diola sa mabilis na pakikipag-ugnayan ng programang Serbisyong Bayanihan sa DSWD upang siya ay makatanggap na ng ayuda mula sa gobyerno.
Kung mayroon kayong katanungan patungkol sa Social Amelioration Program ng DSWD, maaaring makipagugnayan sa programang Serbisyong Bayanihan.
Tags: DANIEL RAZON, DSWD, LTFRB, Social Amelioration Program
Muling dumagundong ang Mall of Asia Arena sa pagparada ng labingdalawang koponang kalahok sa ikawalong season ng Liga ng Public Servants ang UNTV Cup!
Ayon sa may konsepto ng liga, na si Mr. Public Service Kuya Daniel Razon, sa nakalipas na pitong season umabot na sa mahigit limampung milyong piso ang naitulong ng torneo sa napiling beneficiaries ng bawat koponan.
“Ito po ang liga na yung mga participating teams wala silang binabayarang bond. Wala din po silang binabayarang joining fee. Unlike any other league kung mababalitaan nyo po yung iba’t-ibang mga liga na sinasalihan ngayon mayroon silang mga joining fee, meron po dyan 20 million para makasali, meron pong 50 million para makasali. Hindi po ang UNTV ang pumipili kung sino ang charity o charitable institutions na kanilang pagbibigyan ng kanilang mapapanalunan,” dagdag ni Kuya Daniel Razon, CEO of BMPI-UNTV.
Ikinatuwa naman ng pangunahing katuwang ng UNTV sa mga public services tulad ng UNTV Cup na si Bro. Eli Soriano ng Members Church of God International (MCGI) ang pagsuporta ng bawat koponan sa adhikain ng paggawa ng mabuti sa pamamagitan ng basketball.
Sinabi ni Bro. Eli Soriano , Overall Servant, MCGI, “Ang aming dalangin sa Dios sana lahat ng participating teams magkaroon kayo ng suwerte sa buhay, one way or the other pagpalain ng Dios ang inyong pamilya, ang inyong mga sangbahayan, mahal sa buhay dahil sa iyong effort na makatulong sa paggawa ng kabutihan sa kapuwa.”
Samantala, ipinamalas ng three-time champion AFP Cavaliers ang kanilang bangis nang payukurin ang PITC Global Traders sa opening game kagabi sa score na 90-70.
Umpisa pa lang ng ballgame ay binomba na ng opensa ng Cavaliers ang Global Traders. Mapa-outside shooting o sa paint area man, hindi nagpatinag ang AFP. Samahan pa ng mahigpit na depensang tila nagsasabi kaya nilang idepensa ang championship title.
“In time makaka recover yan , alam mo naman noong nakapukpok sila nakahabol, so even they are the defending champion alam namin kaya namin, we have to begiven some time to recover from everything makapag ensayo kami ng maayos,” ayon kay Headcoach,PITC Global Traders, Victor Ycasiano.
Best players of the game sina Jerry Lumongsod na may 16 points at Wilfred Casulla Junior na may 15 points at 12 rebounds.
Nanguna naman sa PITC sina Rod Vasallo at Marlon Martin na may tig-labingwalong points, at Undersecretary Dave Almarinez na may 13 points.
Hinati sa dalawang grupo ang labing dalawang koponan. Magtutuos ang magkakagrupo sa pamamagitan ng round robin para sa first round eliminations. Ang panlima at pang-anim na pwesto sa Group A at B ang mae-eliminate matapos ang tiglimang laban.
Magsasanib naman ang natitirang walong koponan sa second round eliminations kung saan may siguradong tig- apat silang laban.
Ang mga koponang may pinakamaraming naipanalo, makararating sa una at ikalawang pwesto, at otomatikong aakyat sa semi-finals.
Ang numbers 3,4,5 at 6 ang maglalaban sa quarter-finals at ang team numbers 7 at 8 ay magpapaalam na sa liga.
Round robin ang sistema sa quarter-finals kung saan ang dalawang team na may pinakamaraming maipapanalo sa tatlong laban ang aabante sa semi-finals habang ang numbers 3 at 4 ay mae-eliminate.
Sa semis, best of three series na ang proseso kung saan lalabanan ng number one team ang pangalawang may pinakamaraming panalo sa quarter-finals at ang number 2 team naman, haharapin ng koponang may pinakamaraming panalo sa quarter-finals.
Ang dalawang may pinakamaraming panalo ang magtutuos sa best of three series sa finals.
“Pitong buwan tatakbo ang torneo kung saan aabangan natin sa marso sino ang dalawang koponan ang magtutuos para sa kampyonato at mag uuwi ng Apat na Milyong Piso na pa premyo.”
(Bernard Dadis | UNTV News)
