Itinalaga ni Pangulong Rodrigo Duterte bilang Presidential Communications Operations Office Assistant Secretary para sa social media platform si Margau Justiniano Uson o mas kilala sa tawag na Mocha Uson.
Ayon kay Presidential Spokesperson Undersecretary Ernesto Abella na partikular na aasikasuhin ni Uson ang social media.
Ito ay dahil marami aniyang tagasubaybay o followers si Uson sa social media lalo na sa Overseas Filipino Workers.
Dahil dito, maaalis na bilang miyembro ng Movie and Television Review and Classification Board o MTRCB dahil sa kaniyang bagong designation.
Si Uson ay isang social media writer at kilalang masugid na tagasuporta ni Pangulong Duterte kasagsagan ng kampanya noong May 2016 national elections.
Tags: assistant secretary, Mocha Uson, Pangulong Duterte, Presidential Communications Operations Office, social media platform
