Iba’t-ibang senaryo ang makikita sa darating na Metrowide Earthquake Drill sa susunod na linggo.
Mahahati sa apat na quadrant ang buong Metro Manila, north, east, south at west quadrant.
Kabilang rin ang Cavite, Rizal at Bulacan sa makikiisa sa earthquake drill.
Nadagdagan ang mga senaryo ngayong taon.
Kabilang dito ang senaryo na madidiskaril ang isang tren ng LRT Line 1 sa Central Station.
Isa pang senaryo ay ang pagguho ng Guadalupe bridge na isa sa main gate way patungo sa south.
Guguho rin ang gusali ng mmda kung kaya’t mapipilitang ilipat ang command center sakaling mayroong lindol.
Magkakaroon din ng mass casualty incident sa buong Baseco compound sa Maynila.
Mahigit labing anim na libo naman ang makikiisa sa isasagawang senaryo nag pagguho ng mga gusali sa Eastwood.
Senaryo naman ng looting o nakawan sa mga mall matapos ang isang malakas n lindol ang gagawin sa mga sm mall.
Naglabas naman ng memo ang LTFRB na lahat ng mga jeep at bus ay bubusina ng alas nueve ng umaga sa June 22 bilang hudyat ng pagsisimula ng drill.
Hinikayat naman ng MMDA ang iba pang malalaking organisasyon at kumpanya na maaari ding gumawa ng kanilang sariliing senaryo.
Maging ang bawat pamilya hinikayat na makiisa sa drill.
Hinikayat rin ng mmda ang ibang probinsya na makiisa sa earthquake drill sa susunod na linggo.
(Mon Jocson / UNTV Correspondent)
Tags: iba’t-ibang senaryo, Metro-wide Earthquake drill, MMDA
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Nagbigay ng grace period ang Metropolitan Manila Development Authority (MMDA) sa pagbabawal sa mga E-bike at E-trike na dumaan sa national road.
Ayon sa ahensya, sa May 18 na lang istriktong ipatutupad ang panghuhuli sa mga nasabing e-vehicles pero babala nito hindi ibig sabihin ay pwede nang magsamantala ang mga E-bike at E-trike na dumaan sa national roads sa loob ng itinakdang grace period.
Pinag-aaralan naman ngayon ng ahensya na maibalik sa mga may-ari ang na-impound na mga E-bike at E-trike nang hindi na magbabayad ng multa.
METRO MANILA – Magsasanib-pwersa na ang Department of Transportation (DOTr), Metropolitan Manila Development Authority (MMDA), at Philippine National Police (PNP) sa mga anti colorum operations sa bansa.
Isang kasunduan ang nilagdaan ng MMDA, DOTr, at DILG para bumuo ng isang joint task force para palakasin ang pwersa ng mga nanghuhuli sa kalsada.
Ang nasabing hakbang ay kasunod ng kautusan ni Pangulong Ferdinand Marcos Jr. sa Department of the Interior and Local Government (DILG) na tutukan ang operasyon sa mga colorum vehicle.
Tags: anti-colorum, MMDA, PNP
