Isang open letter na umano’y mula sa mga empleyado ng Korte Suprema ang kumakalat ngayon at humihiling na mag-resign na si Chief Justice Maria Lourdes Sereno.

Nakasaad sa liham na mas mabuting magbitiw na lamang si Sereno matapos mabunyag sa pagdinig ng Kongreso ang umano’y mga katiwaliang kaniyang nagawa.

Nagpasalamat naman kay Atty. Larry Gadon ang gumawa ng sulat dahil sa pagsisiwalat nito sa mga ginawang iregularidad ng punong mahistrado.

Nanawagan rin ang mga ito kay Gadon na huwag ng ituloy ang isasampang kaso sa ilang empleyado ng Korte Suprema. Wala daw kasalanan ang mga ito at sumusunod lamang sa ipinag-uutos ni Chief Justice Sereno.

Tags: Atty. Larry Gadon, CJ Sereno, Korte Suprema