MANILA, Philippines – Sisimulan na ng Philippine National Police (PNP) ngayong Setyembre ang Mandarin training para sa mga tauhan ng PNP-Anti Kidnaping Group (PNP-AKG).
3 AKG personnel muna ang ipadadala sa China para mag aral ng Mandarin. Ayon kay PNP AKG Spokesperson Plt.Col. Elmer Cereno, layon nitong matuto ang kanilang mga imbestigador ng mandarin lalo na’t puro chinese ang nagiging biktima ng kidnapping ngayon.
Makatitipid din aniya ang PNP AKG sa pagbabayad ng interpreter tuwing may nasasagip na biktima at may nahuhuling kidnappers na pare-parehong mga Chinese.
“Ito yung nagiging problema natin pag may mga nare-rescue tayong mga chinese saka pag may nahuhuli tayong kidnappers na chinese din kailangan muna nating humingi ng tulong sa mrdo o kayay mag- hire tayo ng interpreter para maimbestigahan at malaman kung ano talaga ang punot-dulo noong pagkidnap sa kanila at bakit sila kinidnap” ani PNP- AKG Spokesperson, PLt.Col. Elmer Cereno.
Sinabi pa ni Cereno na sagot ng Chinese Consul ang pag aaral ng mga pulis sa china bilang tulong sa PNP at tulong na rin sa kanilang mga kababayan. 20 pulis ang target na pag aralin ng AKG ng mandarin sa China.
“Hindi lang dito sa Camp Crame, magpapadala din kami ng mga manggagaling ng Visayas at Mindanao key office namin.” Ani PNP- AKG Spokesperson, PLt.Col. Elmer cereno.
Base sa datos ng PNP- AKG, nasa 56 na insidente na ng kidnapping ang kanilang naitatala simula 2017 hanggang 2019 kung saan 120 Chinese suspects na ang naaresto.
(Lea Ylagan | UNTV News)
METRO MANILA – Nagbigay ng sagot ang China sa pahayag na sinadya nito ang agresibong aksyon ng China Coast Guard laban sa tropa ng Pilipinas na nagsagawa ng rore misyon sa Ayungin Shoal noong June 17.
Ayon kay China Ministry of Foreign Affairs Spokesperson Mao Ning, nilinaw na ng China ang nangyari at ang posisyon nito sa umano’y ilegal na pagpasok ng mga sasakyang pandagat ng Pilipinas sa Ayungin Shoal na tinatawag nilang Ren’ai Jiao, at iginiit na teritoryo ito ng China.
Sinabi rin ni Mao na dapat itigil na ng Pilipinas ang umano’y probokasyon at paglabag nito sa soberanya ng China,
Isaayos ang maritime differences sa pagitan ng 2 bansa sa pamamagitan ng negosasyon at konsultasyon, at magtulungan para sa pagtsataguyod ng kapayapaan sa South China Sea.
METRO MANILA – Dapat ipatawag na ang Chinese ambassador sa Manila dahil sa huling agresyon ng China sa West Philippine Sea (WPS).
Isang Philippine Navy Service member ang naputulan ng daliri at anim na iba pa ang nasugatan kasunod ng banggaan ng 1 Chinese ship at Philippine vessel na nasa isang rotation at resupply mission sa Ayungin Shoal, araw ng Lunes, June 17.
Kailangan na ring iakyat ang usapin sa international bodies gaya ng United Nations.
Samantala, nagtataka naman si House Deputy Minority Leader at ACT Teachers’ Party-list Representative France Castro sa aniya’y tila pananahimik ni Pangulong Ferdinand Marcos Junior sa pinakahuling pangyayari sa West Philippine Sea (WPS).
Ayon sa kongresista, hindi pwedeng business as usual sa usapin.
METRO MANILA – Isinasapinal na ang environmental case na isasampa ng Pilipinas laban sa China kaugnay ng pinsala sa West Philippine Sea (WPS) sa loob ng ilang Linggo ayon sa Department of Justice (DOJ).
Ayon kay DOJ Spokesperson Mico Clavano, patuloy naman na nakikipag-ugnayan ang Office of the Solicitor General (OSG) sa pangangalap ng ebidensya para sa mas malakas na demanda.
Pinag-aaralan rin ng OSG ang mga legal na opsyon sa nasirang coral at seabed sa rozul reef at escoda shoal sa wps, kabilang ang paghahain ng reklamo sa international tribunal na nakakasakop dito, gaya ng Permanent Court Arbitration (PCA) sa The Hague.
