Iniimbestigahan na ng Philippine Coastguard kung nagkaroon ba ng paggamit ng labis na pwersa ang kanilang mga tauhan sa pagtugis sa fishing vessel ng Vietnamese fishermen.
Nahuli ang mga ito na iligal na nangingisda sa karagatang sakop ng Bolinao, Pangasinan noong Sabado, September 23.
Tinangka umanong makipag-ugnayan sa mga ito ng navy sa pamamagitan ng radyo ngunit tumakas ang mga ito.
Nagpaputok umano sila ng warning shots at hinabol ang fishing vessel at ng maabutan ang mga ito ay tumambad sa kanila ang dalawang wala ng buhay na Vietnamese fishermen.
Sa ngayon ay under restriction ang mga miyembro ng Phil. Navy na sangkot sa insidente habang ni-relieve naman ang commander ng mga ito.
Tiniyak naman ng Malakanyang at ni Foreign Affairs Secretary Alan Peter Cayetano ang patas at malalimang imbestigasyon sa pagkamatay ng dalawang Vietnamese fishermen.
Sa ngayon, nasa pangangasiwa na ng Phil. Coast Guard ang lima pang mangingisdang Vietnamese.
Pinuntahan naman noong Linggo ng gabi ng embassy officials ang dalawang mangingisdang nasawi upang ayusin ang pagpapabalik ng mga ito sa kanilang bansa.
( Bryan Lacanlale / UNTV Correspondent )
Tags: 2 Vietnamese fisherman, Phil Navy, Philippine Coastguard
Patuloy pa ring nakabantay ang dalawang barkong Philippine Navy na BRP Gregorio del Pilar at ang pinakabagong asset nito na BRP Davao del Sur sa Davao City.
Matatandaang dumaong ang dalawang barko noong Huwebes dalawang araw matapos ideklara ng pangulo ang Martial Law.
Katuwang ang Eastern Mindanao Command, PNP, Maritime police at iba pang ahensiya ng gobyerno, tiniyak ng Phililpine Navy na mas pinaigting nila ang seguridad upang huwag nang kumalat pa ang kaguluhan sa Marawi.
Sa ngayon patuloy ang higpit na pagbabantay ng grupo sa iba’t-ibang coastal areas ng Mindanao.
Samantala sa unang pagkakataon ay gaganapin sa Davao City ang pagdiriwang ng ika-isang daan at labing siyam na anibersaryo ng Philippine Navy bukas.
Kasabay nito ay ang pagkomisyon sa BRP Davao del Sur na inaasahan namang dadaluhan ni Pangulong Rodrigo Duterte.
(Marisol Montaño)
Tags: mga baybayin, Mindanao, Phil Navy
Isang send-off ceremony ang isinagawa kaninang alas nueve ng umaga sa pier 13 South Harbor, Manila para sa BRP Andres Bonifacio FF17 na makakasama sa Langkawi International Maritime and Aerospace Exhibition o LIMA 2017 sa Langkawi, Malaysia.
Two hundred eight din na miyembro ng Philippine Navy ang ipinadala ng Pilipinas sa LIMA 2017 na magsisimula sa March 21- 26, 2017.
Ayon kay Navy Vice Commander Rear Admiral Rafael G. Mariano, taong 2011 nang huling makasama ang Philippine Navy sa LIMA exhibition kaya’t isang karangalan na muling mapabilang sa naturang maritime and aerospace exhibition.
Tags: BRP Andres Bonifacio F17, LIMA 2017, Phil Navy, send-off ceremony
