Nakabantay pa rin sa harap ng Indonesian Embassy ang mga grupo na tutol sa parusang bitay kay Mary Jane Veloso.

Ayon Kay Sol Pillas ng Migrante International, mananatili sila hanggang ala-6:00 ng umaga bukas upang ipagpatuloy ang kanilang vigil at magpahayag ng kanilang panawagan sa pagsalba sa buhay ng ating mga kababayan na nasa death row sa iba’t ibang bansa.

Linggo pa ng hapon nang magsimulang magtipon tipon ang mga militanteng grupo sa harap ng embahada.
Kasama nila ang iba pang militanteng grupo gaya ng Gabriela, Kilusang Mayo Uno, at League of Filipino Students.

Pinaalis sila kaninang alas-12:00 ng mdaling araw bagaman meron silang permit upang manatili sa lugar.

Samantala, patuloy pa ring nakabantay ang Philippine National Police maging ang Bureau of Fire Protection ng Makati upang mapanatili ang kapayapaan st seguridad sa harap ng Indonesian Embassy dito sa Makati. (Aiko Miguel/UNTV Radio)