Nagsasagawa na ng clearing operations ang DPWH at Local Government Units sa Isabela matapos manalasa ang Super Typhoon Lawin.
Kahit malalaking puno ang hindi nakayagal sa lakas ng hangin ni Lawin.
Kasama ang isabela sa mga lugar na nakataas ang signal number 5 kagabi.
Umabot sa 225kph ang maximum sustained winds ni Lawin kaya’t nagkabalibali din maging ang mga pananim na saging habang sumapad o dumapa ang mga palay na nakasapaw na ang butil.
Ang ibang mga poste ng ibang gasoline station ay bumigay din.
Sa paglalakbay ng UNTV News kagabi ay nakahambalang ang mga puno at kawad ng kuryente sa kalsada.
Karamihan din sa mga bayan ng isabela ay walang supply ng kuryente.
Sa ngayon ay nagsasagawa na ng assesent ang ocd at da sa naging pinsala ng Bagyong Lawin sa lalawigan.
(Rey Pelayo / UNTV Correspondent)
Tags: Isabela, Mga sirang bahay at pananim, Super Typhoon Lawin
METRO MANILA – Ipinag-utos ni Isabela State University President Ricmar Aquino ang pull out ng 23 National Democratic Front (NDF) handbook sa silid-aklatan ng ISU main campus, Echague, Isabela.
Ayon kay Aquino, bahagi ng inisiyatibo na mapangalagaan ang hinaharap ng mga mag-aaral sa pamamagitan ng pagbibigay ng kalidad at may-katuturang edukasyon.
“Our students should not, therefore, be exposed to anything that will destroy their future,” dagdag ni Isabela State University President Ricmar Aquino.
Nagbigay din ng utos si Aquino sa librarians ng ibang ISU campuses na tanggalin sa kanilang mga silid-aklatan ang mga ganitong klase ng libro.
Sa kasalukuyan ay mayroong 11 campuses ang ISU sa iba’t ibang bayan sa lalawigan ng Isabela.
Samantala, ipinasa ni Aquino ang mga nasabing libro kay Regional Director of the National Intelligence Coordinating Agency (NICA) at cluster head of the Situational Awareness and Knowledge Management Cluster of the Regional Task Force to End Local Communist Armed Conflict (RTF-ELCAC) Dennis Godfrey Gammad.
Pinuri naman ni Regional Director Gammad ang ginawa ng unibersidad na pagtanggal ng mga subversive books sa kanilang silid-aklatan.
(Kyle Nowel Ballad | La Verdad Correspondent)
Ang lalawigan ng Isabela ang isa sa matinding binayo ng Bagyong Rosita sa pananalasa nito sa bansa.
Sa lakas nito, nakapagtala ang Provincial Disaster Risk Reduction and Management Council (PDRRMC) ng mahigit sa dalawang bilyong pisong pinsala sa agrikultura at imprastraktura.
Sa assesment ng ahensya, aabot sa higit isang bilyong piso ang sinira ng bagyo sa sektor ng agrikultura at higit isang bilyong piso rin sa imprastraktura.
Kabilang sa mga nasira ang ilang ektarya ng mga palayan, mais, saging, gulay at iba pang mga pananim. Nawasak rin ang ilang mga eskwelahan, gusali, mga business establisment, gasoline station kasama na ang Stiffu Bridge sa Roxas, Isabela.
Sira din ang tulay na nag-uugnay sa Isabela at probinsya ng Cagayan. Dahil ito sa pagragasa ng tubig sa ilog sa kasagsagan ng Bagyong Rosita noong Martes.
Subalit nilinaw naman ng PDRRMC na walang silang naitalang casualty dahil sa Bagyong Rosita.
Pinabulaanan nito ang balita na isang 40 anyos na lalaki ang nasawi matapos na tangayin ng flash flood sa bayan ng Roxas.
Sa pag-iimbestiga ng SOCO, sinasabing pitong araw ng patay ang lalaki at imposibleng dahil ito sa bagyo dahil noong Martes lamang ng madaling araw tumama ang bagyo sa nasabing lugar.
Sa ngayon ay patuloy pa rin ang kanya-kanyang pagsasaayos ng mga residente sa nasira nilang mga ari-arian, habang patuloy pa ring sinisikap ng Isabela Electric Cooperative na maibalik ang suplay ng kuryente sa buong lalawigan.
( Gerry Galicia / UNTV Correspondent )
Tags: Bagyong Rosita, Isabela, PDRRMC
Sa lakas ng Bagyong Rosita na tumama sa lalawigan ng Isabela, nakapagtala ang Provincial Disaster Risk Reduction and Management Council (PDRRMC) ng mahigit sa dalawang bilyong pisong pinsala sa agrikultura at imprastraktura.
Sa assesment ng PDRRMC, aabot sa higit isang bilyong piso ang sinira ng bagyo sa sektor ng agrikultura at higit isang bilyong piso rin sa imprastraktura.
Kabilang sa mga nasira ang ilang ektarya ng mga palayan, mais, saging, gulay at iba pang mga pananim.
Habang nawasak rin ang ilang mga eskwelahan, gusali, mga business establisment, gasoline station kasama na ang Stiffu Bridge sa Roxas, Isabela.
Ang tulay na siyang nag-uugnay sa Isabela at probinsya ng Cagayan ay nasira rin dahil sa pagragasa ng tubig sa ilog sa kasagsagan ng Bagyong Rosita noong Martes.
Samantala, nilinaw ng PDRRMC na walang silang naitalang casualty dahil sa Bagyong Rosita. Pinabulaanan nito ang balita na isang 40 anyos na lalaki ang nasawi matapos na tangayin ng flash flood sa Roxas, Isabela.
Sa pag-iimbestiga ng SOCO, sinasabing pitong araw ng patay ang lalaki at imposibleng dahil ito sa bagyo dahil noong Martes lamang ng madaling araw tumama ang bagyo.
Sa ngayon ay patuloy pa rin ang kanya-kanyang pagsasaayos ng mga residente sa nasira nilang mga ari-arian, habang patuloy pa ring sinisikap ng Isabela Electric Cooperative na maibalik ang suplay ng kuryente sa buong lalawigan.
Dalawang araw makalipas ang pananalasa ng bagyo, sa ngayon ay halos balik na muli sa normal ang pamumuhay ng mga residente dito sa Isabela.
Samantala, personal ring nagtungo ngayon sa Isabela si Pangulong Rodrigo Duterte upang kamustahin ang sitwasyon ng mga kababayan nating nasalanta ng bagyo.
( Joan Nano / UNTV Correspondent )
Tags: Bagyong Rosita, Isabela, PDRRMC
