Pinagbigyan ng Land Transportation Franchising and Regulatory Board (LTFRB) ang kahilingan ng mga school service operator na ipasada ang kanilang sasakyan na lampas 15 taon ang edad hanggang Marso 31, 2016.

Ayon kay LTFRB Chairman Winston Ginez, maraming school bus services ang nakatakdang ma-phaseout sa taong ito na maaaring makaapekto sa pagpasok ng mga estudyante.

Pero batay sa Memorandum Circular No. 2015-14 na inilabas ngayong araw ng LTFRB, kailangan lang na magsumite ng affidavit ang mga operator ng mga lumang school servics na magpapalit sila ng bagong unit bago magpasukan sa susunod na taon.(Mack Libradilla/UNTV Radio)