Tinutulan ng mga residente ng barangay Muzon San Jose del Monte, Bulacan ang muling pagtatayo ng SJDM Water District ng tangke ng tubig sa kanilang lugar.
Ayon sa kaanak ng mga nasawi sa trahedya, takot na sila na maulit ang insidente. Nais nilang sa ibang lugar na lang na malayo sa mga residente ito itayo.
Kaya naman ipinatigil na ng lokal na pamahalaan ang pagtatayo ng tangke ng water district sa likurang bahagi lamang ng sumabog na water tank.
Samantala, nag-inspeksyon din kahapon ang structural engineer upang pag-aralan ang nangyaring pagsabog.
Tags: Bulacan, residente, water tank
Nagpaalala ang Department of Trade and Industry sa mga manufacturer, dealer at retailer na siguraduhing ang ibebenta at isusuplay nilang paputok at pailaw ay nakasunod sa safety standards.
Ayon kay Edna Dizon Provincial Director ng DTI Bulacan, dapat may tatak ng Philippine Standard o PS mark na makikita sa package ng produkto na nangangahulugan na pasado ito sa Philippine National Standard. Kung imported naman, kailangan may tatak ito ng Import Commodity Clearance.
Paalala ng DTI sa mga gumagawa at nagbebenta ng mga paputok at pailaw, magparehistro na .
“Sana i-consider na po natin magparehistro, kasi yung pagregister po natin, pagkuha ng mga lisensya yan po mage-ensure ng safety mga produkto natin,” an Edna Dizon, Provincial Director, DTI Bulacan.
Muli ring nagbabala ang DTI na kakasuhan nila ang mga iligal na magbebenta ng paputok at pailaw.
Payo pa ng ahensiya sa publiko, kung may dapat man bilhin ay ay ang mga locally made at hindi imported na mga paputok at pailaw.
Patuloy din ang ginagawang inspection ng DTI sa mga tindahan ng paputok habang papalapit ang holiday season.
Nestor Torres | UNTV News
Tags: Bulacan, DTI, FIRE CRACKERS
METRO MANILA – Nais ng Inter Agency Task Force on COVID-19 na isailalim pa rin ang National Capital Region, Rizal at Bulacan sa General Community Quarantine with some restrictions mula July 1-15.
Nakita ng Department Of Health (DOH) na may pagbaba ng kaso ng COVID sa NCR.
“Kung titingnan natin ang ating 2 week growth rate lahat po ng NCR, regions 11,6,8, Caraga, makikita natin consistently yung green arrows ay bumaba po” ani Department Of Health Sec. Francisco Duque III.
Dahilan naman kaya unti unti na ring luluwagan ang capacity ng ilang negosyo.
“Sa indoor sports, courts and venues sa NCR, Rizal at Bulacan po pupwede pong magoperate ang gyms fitness centers at 40% capacity at yung ibang other indoor sports allowed at 50% capacity”ani Presidential Spokesperson Sec. Harry Roque.
Pero GCQ with heightened restrictions naman ang Laguna at Cavite. As of June 28 ang mga lugar na ito ay nakapagtala ng mataas na bilang ng bagong kaso ng COVID 19.
“At dun sa mga pangunahing lugar na may mga matataas na bilang andiyan po ang Laguna 307, Davao City 300, Cavite 209” ani Department Of Health Sec. Francisco Duque III.
Inirekomenda rin sa pangulo na isailalim pa rin sa Modified Enhanced Community Quarantine ang ilang lugar sa bansa.
Tulad ng Cagayan; Apayao; Bataan; Lucena City; Puerto Princesa; Naga City; Iloilo City; Iloilo; Negros Oriental; Zamboanga Del Sur; Zamboanga Del Norte; Cagayan De Oro City; Davao City; Davao Oriental; Davao Occidental; Davao De Oro; Davao Del Sur; Davao Del Norte; Butuan City; Dinagat Islands; Surigao Del Sur
Regular na GCQ naman sa buong buwan ng Hulyo sa Baguio City, Ifugao, City of Santiago, Isabela, Nueva Vizcaya, Quirino, Batangas, Quezon, Guimaras, Aklan, Bacolod City, Negros Occidental, Antique, Capiz, Zamboanga Sibugay, City Of Zamboanga, Iligan City, General Santos City, Sultan Kudarat, Sarangani, Cotabato, South Cotabato, Agusan Del Norte, Surigao Del Norte, Agusan Del Sur, Cotabato City
Ang natitirang bahagi ng Pilipinas ay isasailalim sa modified GCQ. Hinhintay pa ang pinal na desisyon ng pangulo ukol sa rekomendasyon na ito na quarantine classification na ipatutupad para sa buwan ng Hulyo.
(Nel Maribojoc | UNTV News)
Malolos, Bulacan – Nasawi ang isang negosyante at 2 iba pa sa pagbagsak ng sinasakyan nilang private helicopter sa isang palaisdaan sa Malolos Bulacan kahapon.
Kinilala ni Bulacan Police Chief of Police Liutenant Cornel Emerey Abating ang isa sa mga nasawi na si Liberato Laus ang chairman at founder ng Laus Group of companies.
Ang Laus Group of comapnies ang isa sa pinakamalaking multi brand dealership ng mga sasakyan sa bansa.
Kasama rin sa namatay ang piloto na si captain Eder Coronel at ang bodyguard na si Wilfran Esteban.
Wasak na wask ang bumagsak na helicopter sa gitna ng palaisdaan sa barangay Anilao, Malolos Bulacan.
Ayon sa Civil Aviation Authority ang helicopter ay umalis sa Ninoy Aquino International Airport (NAIA) general aviation papuntang San Fernando Pampanga ng 12:28 ng tanghali kahapon, 12:47 naman ng tanghali ng ito ay bumagsak.
Ayon sa nakita pa sa pangyayari mababa na ang lipad ng chopper bago bumagsak. Samantala, ang helicopter na may body number-c8098 ay pagmamayari at inooperate ng laus group of company air transport.
Sa ngayon ay nagpapatuloy naman ang imbestigasyon ng caap sa posibleng sanhi ng pagbagsak ng helicopter. “sa ngayon ang ang ginagawa namin nire-recover na namin itong mga pieces ng air craft (saan ngakaroon ng problema sir?) Sa ngayon hindi pa namin alam eh pero naka interview na kme ng mga witness.” ani CAAP Aircropt Investigator Harry Faradero .
(Nestor Torres | UNTV News Bulacan)
Tags: Bulacan, CAAP, helicopter
