Mahigpit na babantayan ng mga pulis ang mga bata sa eskwela sa unang dalawang linggo ng pasukan.
Ayon kay Philippine National Police Deputy Chief for Operations PDDG Danilo Constantino, naglagay sila ng mga police assistance desk sa labas ng mga paaraan na maaaring lapitan ng mga mag-aaral kung mayroong problema.
Tatlong shift ang mga pulis na nagbabantay at hindi aalis ang mga ito hangga’t may mag-aaral sa loob ng eskwelahan.
Bukod aniya sa mga pulis, mayroon din mga force multiplier na sya namang namamahala sa daloy ng trapiko.
Maging ang PNP Anti-Illegal Drugs Group ay nagpakalat na rin ng mga operatiba para sa kanilang intelligence gathering upang napigilan ang “libreng tikim” na modus ng mga sindikato ng droga at maging ang bentahan ng illegal drugs tuwing pasukan.
Kaya naman payo ng PNP sa mga estudyante, wag makikipag usap, o tatanggap ng ano man pagkain at wag basta basta sasama sa mga hindi kilala upang maiwasang mabiktima ng mga masasamang loob na nananamantala.
(Lea Ylagan / UNTV Correspondent)
Tags: Dalawang linggo, Mga pulis na nagbabantay, paligid ng eskwelahan
Dumating na dito sa Zamboanga City kahapon ang ilang kawani ng Philippine Atmospheric Geophysical and Astronomical Services Administration o PAGASA mula sa Metro Manila upang pangunahan ang dalawang linggong cloud seeding operation sa syudad na magsisimula ngayong araw.
Katuwang ng pagasa sa operasyon ang Philippine Airforce.
Ayon sa PAGASA may nakikita silang seedable clouds sa lugar na mahalaga sa cloudseeding operations.
Sa seedable clouds ilalagay ang mga asin para magkaroon ng ulan.
Tinatayang aabot ng apat na milyong piso ang gagastusin para rito.
Dalawang CC210 aircraft naman ng airforce ang gagamitin na kayang magsakay ng isandaang kilong asin para cloudseeding.
Pangunahing target nito na magkaroon ng ulan sa mga watershed sa lungsod na pinagkukunan ng suplay ng tubig sa siyudad.
Samantala, sa ulat ng City Agriculturist Office nasa 17.4 million pesos na ang kabuoang pinsala sa mga pananim epekto ng tagtuyot sa lugar.
Apektado nito ang 860 hectares na agricultural land at gayun din ang mahigit siyam na raang magsasaka.
Umaasa ang lokal na pamahalaan maging matagumpay ang gagawing hakbang.
(Dante Amento / UNTV Correspondent)
Tags: cloudseeding operations, Dalawang linggo, PAGASA-DOST, Philippine Airforce, Zamboanga city
